450 gund nehatine avakirin..Çekdarên PKKê bacê ji xelkê werdigirin

 

Dihok-KDP.info- Zêdetirî 450 gund li navçeyên sînirê Herêma Kurdistanê ji

 

ber PKKê nehatine avakirin, ku piraniya wan dikevin sînorê Dihokê û welatî

 

ji ber wê yekê gilî û gazinan dikin û wek welatiyek jî dibêje, salane bo vegera

 

wan bo ser gundên wan çekdarên PKKê bacê ji wan destining.

 

Xidir Fikrî ku welatiyekî sînorê nahiyeya Şêladizê ye ji malpera KDP.info re

 

ragihand: “Piştî sala 1975ê valakirina gundan destpê kir. Gundên me berê

 

avakirî bûn, lê piştî hatina çekdarên PKKê û kuştin û eşkencekirina xelkên

 

sivîl, em neçar bûn ji gundên xwe bar bikin û mixabin niha em ji ber hêzekî

 

kurdî nikarin vegerin gundê xwe û gundên me kirine cihên xwe, lewma jî

 

balafirên Tirkiyê berdewam li wan gundan didin. Lewma em daxwaz dikin

 

ku bilez ew çekdar ji gundên me derkevin, da ku em vegerin gundên xwe û

 

ava bikin.”

 

Kerîm Sebah ku welatiyekî sînorê Amêdiyê ye, ji malpera KDP.info re

 

ragihand: “Li gundê min erdeke pir baş heye û eger ne ji çekdarên PKKê ba,

 

min dikarî berhemeke baş pêşkêş hikûmetê bikim û ji bo ku ez vegerim

 

gundê xwe û mêşê xwe yê hingiv bibim wê deverê, çekdarên PKKê bacê ji

 

min werdigirin, ku ji bo her kewarekê 5 hezar dînar werdigirin, ku ji me re

 

dike pereyekî mezin, lewma em daxwaz ji hikûmetê dikin ku navend û

 

baregerhên xwe ji gundên me dûr bixe û eger dûr jî nakevin bila bacê ji me

 

wernegirin.”

 

Serokê Lêjneya Dîvdeçûn û Ziyanan di Encumena Parêzgeha Dihokê ji

 

malpera KDP.info re ragihand: “190 gund li sînorê Amêdiyê ji sala 1992 û

 

heta îro pêwîst e bên qerebûkirin. Herwiha ji par ve û heta niha ji ber PKKê

 

û bombebarana Tirkiyê zêdetirî 70 gundên sînorî ziyan dîtine û şewitîne, rez

 

û baxên welatiyan têk çûne. Welatiyên wê deverê dixwazin bên qerebûkirin

 

û vegerin ser mal û halê xwe.”