Mesrûr Barzanî: Hêvîdar im em zû bi serxwebûna Kurdistanê şa bibin
Hewlêr-KDP.info- Şiwêrmendê Encumena Ewlekariya Herêma Kurdistanê
Mesrûr Barzanî bi minasebeta serkeftinên du rojên derbasbûyî yên hêzên
pêşmerge peyamek weşand.
Mesrûr Barzanî Şiwêrmendê Encumena Ewlekariya Herêma Kurdistanê bi
minasebeta serkeftinên du rojên derbasbûyî yên hêzên pêşmerge yên li
hember terorîstên DAIŞê peyamek belav kir ku ew jî tekesta vê ye;
Bi navê xwedê mezin û dilovan
Bi minasebeta serkeftinên ew du rojên berê yên hêzên pêşmerge li her du
mihwerên Xazir û Giwêrê gerimtirîn pîrozbayiyên xwe pêşkêşî Serok
Barzanî, tevahiya hêzên pêşmerge, asayî, hêzên antî terorê û hêzên
xwebexiş dikim û herwiha destxweşiya Peyamnêrên jêhatî yên dezgehên
ragehandinê dikim ku şan bi şanê hêzên pêşmerge di pêşrewî de bûne û
wêneyên qehremaniya hêzên pêşmerge bo gelê me û tevahiya cîhanê
veguhatine û hevdem xwîna wan jî têkilî xwîna hêzên pêşmerge bûye û ew
jî canê xwe feda kirine.
Herwiha di wirde pêwîste spasiya hêzên hevpeymanan jî bikim ku bi
piştgîriya asmanî weke hertim roleke çalak di serkeftina vê carê ya hêzên
pêşmerge de lîstine, vê carê jî hijmarek ji zarokên nîştimanperwer yên
welatê me canê xwe feda kirin bi vê minasebeta han jî pirse û sersaxiyên
xwe pêşkêşî kesûkarên serbilind yên şehîdan û Serok dikim û cêyê şehîdan
cenet be û hêvî dixwazim ku qehremanên birîndar jî baş bibin û hêvî dikim
ku gelê me ew fedakarî û can feda kirina hêzên pêşmergeyên qehreman di
rojên dijwar de jibîr neke û bi bidest xistina serxwebûna Kurdistanê padaşta
wan bide ( wan xelat bike).
Mesrûr Barzanî
15.8.2016
