Bi serperiştiya Serok Barzanî 9 gund li Xazir hatin azadkirin..Şer berdewam e

 

Xazir-KDP.info- Fermandarekî Hêzên Pêşmerge li eniya Xazirê ragihand ku

 

di encama operasyona îro de li dijî DAIŞê li Xazirê, 9 gund ji DAIŞê hatin

 

standin û hejmarek mezin ji terorîstên wan jî hatin kuştin.

 

Seyid Hejar ji malpera KDP.info re ragihand: “Pêşdeçûna Hêzên Pêşmerge

 

bo girtina gundan berdewam e û heta niha 9 gund hatine azadkirin û heta

 

niha hejmareke zêde ji terorîstên DAIŞê hatine kuştin.”

 

Hejar wiha got: “Moralê DAIŞê rûxaye û nema karin bergiriyê bikin û tenê

 

çend gund mane di pilana îro de ku ew jî bên azadkirin.”

 

Ji aliyê xwe ve, Fermandarê Betalyona 2 ya Zêrevanî Ceifer Kerîm ji malpera

 

KDP.info re ragihand: “Îro sere sibehê Hêzên Pêşmerge bi serperiştiya

 

rasterast a Serok Barzanî dest bi êrişeke berfireh kirin û di serî de gundên

 

Qerqeşe, Ebzex û Tax hatin rizgarkirin.”