Dirbo: Çekdarên PKKê pereyan ji Bexdayê werdigirin

 

Şingal-KDP.info- Fermandarekî Hêzên Pêşmerge li Şinaglê dibêje,

 

Hikûmeta Iraqê pereyên zêdetirî 1000 çekdarên PKKê peyda kiriye û ew

 

çekdar dewan li kurdên êzdî dikin û ev yek bûye sedem ku xelk li dijî

 

wan rawestin.

 

Qasim Dirbo ku kesayetiyeke diyar a kurdên êzdî ye, ji malpera KDP.info

 

re ragihand: “Hikûmeta Iraqê pereyên zêdetirî 1000 çekdarên PKKê

 

peyda kiriye. Bexda ji ber Hêzên Pêşmerge wî karî dike û pereyan dide

 

çekdarên PKKê, da ku li dijî Hêzên Pêşmerge bisekinin, lê ev yek nayê

 

qebûlkirin.”

 

Dirbo wiha got: “5 komelgayên derdora Şingalê di destê DAIŞê de mane

 

û her demekê ku ji destê wan bên azadkirin, dê hincetek ji Bexdayê re

 

nemîne û PKK neçar dibe ku ji Şingal û derdora wê derkeve.”

 

Li gorî wî fermandarê Pêşmerge: “Cihê PKKê li Bakurê Kurdistanê ye û

 

pêwîst e biçin wir azad bikin, ne bi awayekî neyasayî bên navçeyê û rê li

 

xelkê û Hêzên Pêşmerge bigirin.”

 

Qasim Dirbo hişyarî da PKKê û ragihand ku xelkê Şingalê dixwazin PKK

 

bilez ji bajararê wan derkeve, ji ber ku berdewam pirsgirêkan ji xelkê re

 

derdixin û rêgiriyê li xelkê dikin û derewan li wan dikin, lewma jî roj bi

 

roj xelk li dijî wan disekinin.