Pêşmergeyên dêrîn piştevaniya destpêşxeriya Serok Barzanî kirin
Hewlêr-KDP.info- Serok Barzanî li gel şanda hevbeşa Dezgeha Bilinda Eylûl
û Komeleya Pêşmergeyên Kevin civiya û di wê hevdîtinê şanda mêvan
piştevaniya xwe bo destpêşxeriya Serok Barzanî ragihandin.
Roja yekşem 07.08.2016 li Selaheddîn Mesûd Barzanî Serokê Herêma
Kurdistanê li gel şanda havbeşa Dezgeha Bilinda Eylûl û Komeleya
Pêşmergeyên Kevin civiya ku ji berpirs û endamên her dû saziyê
pêkhatibûn.
Li civînê de berpirs û endamên Dezgeha Bilinda Eylûl û Komeleya
Pêşmergeyên Kevin behsa kêşe û giriftan û rewşa xerapa jiyana
Pêşmergeyên kevin kirin û daxwaz kirin Serok Barzanî xema wan bixwe û
hesabekî taybet û dadperwerane ji bo xebat û keda Pêşmergeyên kevin bê
kirin û rewşa jiyan wan bê baştir kirin.
Her li vê civînê de bi mebesta rêxistina mûçe û daxwaziyên wan behsa
pêkhatina lîjneyekî taybet ya duvdadaçûn û bi cîhkirina biryaran kirin.
Li beşekî dinê civînê de şanda hevbeşa Dezgeha Bilinda Eylûl û Komeleya
Pêşmergeyên Kevin palpiştiya xwe ji bo destpêşxeriya Serok Barzanî û
çareserkirina qeyrana siyasî û asayîkirina rewşa siyasî ya Herêma Kurdistanê
ragihandin.
Li beranber da Serok Barzanî spas û pêzanînên xwe ji bo xebat û ked û
qurbanîdana Pêşmergeyên kevin derbirî û piştevaniya xwe jî ji bo daxwaz û
mafên wan ragihand. Her wiha behsa rewşa siyasiya Herêma Kurdistanê û
çareserkirina qeyrana siyasî û her wiha paşaroja Kurdistanê û peywendiyên
li gel Iraqê kir û ronahî jî xiste li ser hengavên serbixweyî û piyadekirina
mafê diyarkirina çarenûsa gelê Kurdistanê.
