PYDê Efrîn dorpêç kiriye..Ciwanan bi zorê dibin leşkeriyê

 

Rojava-KDP.info- Çalakvanekî bajarê Efrînê yê Rojavayê Kurdistanê dibêje, ev

 

çend roj in ku PYDê li Rojavayê Kurdistanê çendîn gund û navçeyên Efrînê dorpêç

 

kirine û ciwanan bi zorê dibin leşkeriyê ku ciwanên bin 18 salî jî di nava wan de

 

hene, ku wan dibin şerê Helebê.

 

 

Arif Hebeş ji malpera KDP.info re ragihand: “Ev 15 roj in ku PYD li Rojavayê

 

Kurdistanê ji hemû aliyan ve Efrîn dorpêç kiriye bo girtina xortan û birina wan bo

 

leşkeriya neçar, ku ji 14 salî heta 50 salî bi zorê dibin şerê Minbic û Helebê û

 

rojane bi dehan term vedigerînin Efrînê.”

 

 

Hebeş wiha got: “Ew gundên ku li sînorê Efrînê PYDê ew dorpêç kirine, yek ji wan

 

gundê Maşeka ye ku duhî girtin ser bo girtina ciwan û zarokan, lê bi temenên wî

 

gundî li dijî wan derketin û dest bi xwepêşandanekê kirin, herwiha li gundê basûte

 

û navçeya Mîdana hemû rê girtin û her xortek bi wir de diçû digirtin û ew dibin bo

 

şer. Lewma xortên gundên, Keferdelê ya Jorîn, Keferdelê ya Jêrîn, Fîrkana, Emra,

 

Sîwya, Heyat, Hesen û Qeda ji ber PYDê direvin.”

 

 

Wî çalakvanê kurd wiha domand: “Ez ligel xelkê wan gundan axivîm û ew dibêjin

 

em nikarin ji malê xwe derkevin, lewam bang li Serok Barzanî û Hikûmeta

 

Kurdistanê dikin ku çareseriyekê ji wan re bibînin û Efrînê ji wê rewşê re bibînin.”