PYD nikare ewlehiya Rojavayê Kurdistanê biparêze

Rojava-KDP.info- Berpirsê Komîteya Encumena Niştimanî ya Kurd li Sûriyê

 

(ENKS) li Herêma Kurdistanê Newaf Reşîd dibêje, PYD ev çendîn sal e ku xwe

 

wek deselatdar li Rojavayê Kurdistanê dizane û berdewam hêncetan dike ku

 

xelkê diparêzin, lê piştî teqêna Qamişlo ji xelkê re derket ku ew nikarin wan

 

biparêzin.

 

 

Newaf Reşîd Berpirsê Komîteya Encumena Niştimanî ya Kurd li Sûriyê

 

(ENKS) li Herêma Kurdistanê ji malpera KDP.info re ragihand: “Rewşa

 

Rojavayê Kurdistanê pir xerab e û bi taybetî jî rewşa ewlehiyê û piştî teqîna

 

Qamişlo xelk direvin û rastî tirseke mezin bûne, ji ber ku ji xelkê re eşkere

 

bû ku PYD nikare xelkê biparêze. Wan berpirsyaretiya her tiştî tenê xistiye

 

histê xwe de û xwe bi deselat datînin, lê mixabin nikarin xelkê biparêzin.”

 

 

Wî berpirsê ENKSê wiha got: “PYD bi hêza çekan destê xwe daniye ser

 

Rojavayê Kurdistanê û ti sûdek negihandiye gelê kurd, ne tenê li Rojavayê

 

Kurdistanê, lê belê li herçar perçên Kurdistanê PKKê tenê ziyan gihandiye

 

kurdan.”

 

 

Newaf Reşîd wiha domand: “Berê PYDê ji xelkê re digot em we diparêzin, lê

 

bi roj kamyoneke mezin tê û xwe di nava xelkê sivîl de diteqîne û bûn

 

sedema şehîdkirina bi dehan kurdan.”