Pêşmerge: Emê axa Kurdistanê azad bikin..Qet ji navçeyên Kurdistamî venakişin
Başîk-KDP.info- Berpirsê Eniya Başîkê ragihand ku ew ranawestin
heta ku negihên sînorê rasteqîne ê Kurdistanê û her cihek ji axa
Kurdistanê ku dijmin li wir be, divê bê azadkirin. Herwiha da zanîn ku
ew cihên rizgarkirî qet nadin Hêzên Iraqê.
Hemdî Efendî Berpirsê Eniya Başîkê ji malpera KDP.info re ragihand:
“Sînorê rasteqîne yê Kurdistanê li kuderê be, emê heta wî cihî biçin,
vêga her dijminek be yan her biyaniyek be li ser axa Kurdistanê divê
bê derxistin, eger di bin destê hêzên Iraqê jî de be.”
Derbarê şerê çaverêkirî yê Mûsilê jî, Efendî wiha got: “Di şerê Mûsilê
de pêwîst e hevahengiyeke temam di navbera Hêzên Pêşmerge û
wan hêzên ku di operasyonê de dê beşdar bibin, hebe. Em wek
Hêzên Pêşmergeyên Kurdistanê naçin nava bajarê Mûsilê, lê derdora
Zê û heta sînorên rasteqîne yên Başûrê Kurdistanê emê biçin û azad
bikin. Her cihekî em azad jî bikin qet nadin tu hêzeke din.”
