Nêçîrvan Barzanî: Çaksazî û yasayên Mistefa Zelmî her sax in

 

Hewlêr-KDP.info- Îro li bajarê Hewlêrê merasîma çileya koça dawî ya

 

zanayê kurd Mistefa Zelmî bi amadebûna Serokwezîrê Herêma Kurdistanê

 

Nêçîrvan Barzanî birêve çû û tê de Barzanî gotarek pêşkêş kir û ragihand,

 

çaksazî û yasayên Mistefa Zelmî li Kurdistanê û Iraqê her sax in.

 

 

Nêçîrvan Barzanî di merasîmê de ragihand: “Erkê hemû kesî ye ku rêz li

 

xizmetên zanistî û bîranîn û yadweriyên mamoste Mistefa Zelmî bigirin û

 

herwiha erkê min û Hikûmeta Herêma Kurdistanê ye ku em rêz wî zanayê

 

pir berhem ê neteweya me bigirin. Ez kêfxweş in ku ez bûm sedem ew

 

vegere Herêma Kurdistanê û li vir bimîne. Wê demê min jê re got, veneger

 

Bexdayê, li Kurdistanê pêwîstiya me bi te heye, wî jî ev daxwaza min qebûl

 

kir.”

 

 

Nêçîrvan Barzanî wiha got: “Çaksazî û yasayên Mistefa Zelmî li Kurdistanê û

 

Iraqê her sax in, bi taybetî di mafê jinan de. Pêwîst e neteweya kurd

 

berdewam şanaziyê bi Mistefa Zelmî bike.”