Daxwaz ji Waşinton tê kirin alîkariya Şingalê bike..Pêwîstî bi 10 milyar dolar e
Şingal-KDP.info- Qayîmeqamê Şingalê radighîne ku di 20 vê mehê de li
Waşinton dê konferansek bo avakirina Iraqê birêve biçe û di serdana xwe ya
dawî de bo Neteweyên Yekbûyî de daxwaza alîkariyeke diyarkirî bo Şingalê
jî kiriye.
Mehma Xelîl Qayîmeqamê Şingalê ji malpera KDP.info re ragihand: “Di 20
vê mehê de li Waşinton dê konferansek bo avakirina Iraqê ji aliyê
Neteweyên Yekbûyî ve birêve biçe û tê de wê welatên alîkarî bexiş beşdar
bibin û tê pêşbînîkirin milyarek dolar bê komkirin.”
Xelîl wiha got: “Di serdana xwe ya 20ê meha borî de bo Amerîka weku
şandeke kurdên êzdî me daxwaz kir di wî konferansî de para Şingalê bê
diyarkirin. Ji ber ku bo Şingalê û qerebûkirina xelkê û avakirina bajêr,
pêdviya Şingalê bi 10 milyar dolar heye.”
Li gorî Qayîmeqamê Şingalê, Nûnera Hikûmeta Herêma Kurdistanê dê di
konfransê Waşintonê de beşdar bibe û tê de daxwaza alîkariyê bo navçeyên
azadkirî bike.
