Protokola Kurdistan û Amerîka asta hemahengî di navbera hevpeymanan û Pêşmerge de derdixe
Hewlêr-KDP.info- Bi amadebûna Serok Barzanî, peymanek li navbera Wezareta Pêşmerge û
Wezareta Berevanî ya Wîlayetên Yekgirtiyê Amerîka hate îmza kirin.
Roja sêşem 12.07.2016 li Selahedîn, Mesûd Barzanî Serokê Herêma Kurdistanê pêşwaziyê li
Elissa Slotkin Cîgirê Wezîrê Berevaniya Wîlayetên Yekgirtiyê Amerîka û şandekî li gel kird.
Li vê civînê de Serok Barzanî bi navê gelê Kurdistanê spasî Serok û gel û Hikûmeta Amerîka
kir ku li rûxandina dîktatoriyet û her wiha li şerê terorîstan da piştevanê gelê Kurdistanê
bûne û spasî palpiştî ya serbazî û darayî ya Amerîkayê kir ji bo hêzên Pêşmergeyên
Kurdistanê ku bandora xwe li mîsogerkirina serkeftinên hêzên Pêşmergeyên Kurdistanê de
hebûye.
Serok Barzanî, asta hemahengiya di navbera artêşa Amerîka û Pêşmergeyan bi mînak wesif
kir ku bi cûreyek bi dirêjahiya şerê dijî terorîstan hîç cîheke medenî nekirine armanc ku eve jî
asta hemahengî û baweriya di navbera hevpeymanan û Pêşmerge de derdixe.
Li beranber da Sekretera Wezîrê Berevaniya Wîlayetên Yekgirtiyên Amerîka pesnê hêzên
Pêşmerge kir û ragihand ku Wîlayetên Yekgirtiyê Amerîka bi çavekî rêz ve temaşa Pêşmerge
dike û wekî hêzekî şerker yê bi bandor dinasê ku roleke zêdeyê girîng dîtiye. Her ji bo wê
yekê ew peymana hevdû têgihiştina li gel Wezareta Pêşmerge îmza dikin balkişandineke
rûnê wê girîngîpêdanê ye ji aliyê Wîlayetên Yekgirtiyê Amerîka ye û hêmaya hevbeşiyekî
berdewamî ya Amerîka û hêzên Pêşmerge û dostayetiyekî bi hêze.
Her li vê hevdîtinê de di derbarê çawayiya hemahengî ya di navbera hêzên Hevpeymanan û
hêzên Pêşmerge û hêzên Iraqî li şerê Da'îş û operasyona azadkirina Musil û qonaxa piştî
azadkirina Musilê xistin ber behs û guftûgoyan û her dû alî li ser ewe hevrabûn ku pêwîste
hemahengî hebê û gelek bi hurî çareserî ji bo kêşe û giriftên siyasî û civakî yên qonaxa piştî
Da'îş peyda bike. Eve jî bi navê rê girtina li dûbarebûna karesatan û ji bo dilniyayî ya
pêkhatên olî û neteweyiyên parêzgeha Nînowa ye.
Li beşekî dinê civînê de hemahengî ya di navbera hêzên Pêşmergeyên Kurdistanê û hêzên
hevpeymanan û artêşa Iraqê de bilind hate nirxandin û peymaneke hevdû têgihiştinê di
navbera Wezareta Pêşmerge û Wezareta Berevaniya Wîlayetên Yekgirtiyê Amerîka bi
hengavekî girîngê hevkarî û hemahengî ya di navbera Herêma Kurdistan û Amerîkayê de
dane zanîn.
Paşê li rêwresmek da, bi serpereştî û amadebûna Serok Barzanî, peymaneke hevdû têgihiştin
û hevkarî ya di navbera Wezareta Pêşmerge û Wezareta Berevaniya Wîlayetên Yekgirtiyê
Amerîka, ji aliyê Kerîm Şingalî Wezîrê Pêşmerge bi Wekalet û li Elissa Slotkin Cîgirê Wezîrê
Berevaniya Wîlayetên Yekgirtiyê Amerîka hate îmza kirin.
Li gor vê peymanê, Wezareta Berevaniya Amerîka hevkariya darayî pêşkêşî Pêşmerge dike û
operasyona azadkirina Musil bi hemahengiya li navbera Pêşmerge û artêşa Iraq û hêzên
hevpeymanan birêve diçê û ew hemahengî û hevkarî ji bo qonaxa piştî Da'îş li Nînowa
berdewam dibê.
Cihê amajepêkirine hejmarek ji berpirsên siyasî û serbaziyên bilindên Herêma Kurdistanê
amadeyê vê hevdîtinê bûn.
