VÎDEO – Asayişa Hewlêrê îtîrafa êrişkarê ser Rûdawê belav kir

 

Hewlêr-KDP.info- Asayişa Hewlêrê vîdyoya îtîrafên êrişkarên ser Navenda

 

Sereke ya Tora Medyayî ya Rûdawê belav kir û çawaniya êrişê aşkere kir.

 

 

Asayişa Hewlêrê îro di daxuyaniyekê de encamên lêkolînên xwe derbarê

 

êrişa şeva 25ê Hezîran a 2016an bo ser Navenda Sereke ya Tora Medyayî ya

 

Rûdawê li cadeya Ronakî ya Hewlêrê aşkere kir.

 

 

Di daxuyaniyê de tê gotin, ku hêzên Asayişê di heyama kêmtir ji 3 rojan de

 

karîn encamderê sereke yê teqînê bigirin. Asayişa Hewlêrê dibêje, piştî

 

girtinê lêkolîn bi wî kesî re dest pê kir û di heyama lêkolînan de wî kesî îtîraf

 

kir ku wî teqîn pêk aniye.

 

  

Di daxuyaniyê Asayişa Hewlêrê wiha hatiye gotin:

 

 

“Piştî êrişa saet 12:05an a roja 25ê Hezîran a 2016an li bajarê Hewlêrê,

 

tîmên lêkolînê û lidûvçûnê yên rêveberiya me, piştî kêmtir ji 3 rojan karîn

 

encamderê sereke yê teqînê bigirin û kesê tohmetbar jî îtîraf bi tawana xwe

 

kir.

 

 

Rêbwar Wurya Salih li gorî îtîrafên xwe, ku li gel vê daxuyaniyê hatiye

 

belavkirin, heyama 15 rojan berî meha Remezanê, ji aliyê kesekî nêzîkê wî

 

yê bi navê Seidî Mistefa Ebdurehman daxwaz lê tê kirin, ku çalakiyekê li

 

bajarê Hewlêrê pêk bîne. Piştî ku Rêbwar razî dibe ku çalakiyê encam bide,

 

 

bo vê mebstê di roja 23ê Hezîran a 2016an de Seidî li gel kesekî din bi navê

 

Camêr Osman Ebdullah li derdora bajarê Hewlêrê li ser çawaniya teqandina

 

narincokê rahênanê bi Rêbwar dike. Berî nîvro ya heman rojê,  her sê kesên

 

navborî keşfa cihê çalakiyê kirine û bo şeva paşê Rêbwar her du narincokan

 

bi şêweyekî teknîkî amade dike û li jêr otomobîleke li pêşiya kanalê didane

 

û bilez û bezî wî cihî bi cih dihêle. Piştî nêzîkî 13 xûlekan her du narincok

 

teqiyan û zêdebarî zirarên madî, 5 kes jî birîndar bûn.

 

 

Li gorî îtîrafên cîbicîkarê wê plane, bi armancgirtina kanala Rûdawê bi vê

 

mebestê bû ku ew çalakî zêdetirn dengvedan hebe.

 

 

Rêveberatiya Asayişa Hewlêrê soz dide hemû aliyan ku tîmên wê bi

 

şêweyeke pîşeyiyane (profesyonel) li ser lêkolînên xwe berdewam dibin, da

 

ku bigili ser dosyayên her du gumanbarên din ên vê dosyayê bigihîjin

 

encamên dawî.”