Serok Barzanî: Bo aramiyê 10 sal gotûbêj baştir e ji saeteke şer

 

Hewlêr-KDP.info- Serok Barzanî pêşwaziya şanda Partiya Sosyalîsta

 

Kurdistanê – Tirkiye kir û di wê hevdîtinê de ragihand ku ji bo aramiyê û

 

parastina jiyana xelkê, 10 sal gotûbêj baştir e ji saeteke şer.

 

 

Roja yekşem 26.06.2016 li Selahedîn Mesûd Barzanî Serokê Herêma

 

Kurdistanê pêşwaziya şandekî Partiya Sosyalîsta Kurdistanê (PSK)– Tirkiye

 

kir ku ji Mesûd Tek Serok, Aladîn Aras, Qurbanî Demîr û Hacî Hesen

 

Endamên Desteya Serokayetiyê û Welî Koparan Nûnerê PSK li bajarê

 

Hewlêrê pêkhatibûn.

 

 

Li hevdîtinê de şanda mîhvan bi kurtî rewşa siyasî û emnî ya Bakûrê

 

Kurdistanê û girjî û şer û pêkdadanan behs kirin û nîgeraniya xwe li ser

 

rewşa jiyana hemwelatiyan nîşandan ku bi sedema alozî û şer mal û halên

 

xwe bi cîh hiştine.

 

 

Di beşekî dinê civînê de Serok Barzanî ji kar û çalakiyên partiya xwe û

 

destpêkirina wan ya wekî Partiyekî fermî agahdar kirin û daxwaza rêniwênî

 

û şîrovekirina rûdan û guhertinên siyasiyên navçeyê ji Serok Barzanî kirin.

 

 

Li beranber da Serok Barzanî xweşhaliya xwe bi destpêka karê fermî ya

 

Partiya Sosyalîsta Kurdistanê – Tirkiye nîşan da û hêviya serkeftinê ji bo wan

 

xwest û daxwaz jî kir ku li xebata xwe ya medenî û siyasî da berdewam bin.

 

 

Di derbarê rewşa Bakûrê Kurdistanê Serok Barzanî hêviyê xwest ku dawî bi

 

êş û azarên hemwelatiyan bê û mantiq û eqlaniyet vegerê ser siyaseta

 

aliyan û tekez jî li wê yekê kir ku bi navê aramî û hevdû têgihîştin û

 

parastina jiyana xelkê de, deh sal guftûgo baştire ji yek demjimêr şer. Ji ber

 

ku şer kavilkarî û koçberî û wêraniyê bi xwe re tîne û dibê sedemek ku xelkê

 

tundrew û şovenîst bihêztir bibin û proseya aştî tûşî rawestanê bibê.