Pêşmerge û hêzên Iraqê dest bi paqijkirina Hemrîn kirin

 

Hemrîn-KDP.info- Îro Hêzên Pêşmerge û hêzên Iraqê li Deşta Hemrînê dest

 

bi paqijkirina wê navçeyê ji terorîstên DAIŞê kirin. Berpirsekî PDKê jî dibêje,

 

piştî şikestina wan li Feluca, hejmarek terorîstên DAIŞê xwe gihandine Deşta

 

Hemrîn.

 

Berpirsê Rêxistinên PDKê li nahiyeya Qeretepe Kemal Îbrahîm ji malpera

 

KDP.info re ragihand: “Piştî şikestina çekdarên DAIŞê li navçeya Feluca niha

 

hejmarek çekdarên wan gihîştine sînorê Qeretepe û Deşta Hemrîn, ku tê

 

texîminkirin hejmara wan nêzîkî 100 çekdar be û çekên cuda bi wan re ne û

 

car bicar karê terorîstî li navçeyê dikin.”

 

Îbrahîm wiha got: “Duhî hêzeke mezin a hêzên ewlehiyê û Artêşa Iraqê

 

gihîştin sînorê nahiyeya Qeretepe û îro bi alîkariya Hêzên Pêşmerge dest bi

 

paqijkirina wê navçeyê kirine û ew operasyon hevbeş e, ji ber ku hêzên

 

Iraqê bê Pêşmerge nikare wî karî bikin.”