Serok Barzanî bo aliyên siyasî: Bo referandumê zû lihev bikin..Pêngava yekê diyar kir

Hewlêr-KDP.info- Serokê Herêma Kurdistanê Mesûd Barzanî di peyamekê

de ragihand ku bo wan div ê qonaxê de ti armancek ji mafê çarenivîsiyê û

serxwebûnê bilintir û pîroztir tune ye û nabe ev pirs bibe qurbaniya

nakokiyên navxweyî, lewma daxwaz ji hemû aliyên siyasî yên Kurdistanê kir

ku bizûtirîn dem tedbîrên pêwîst bikar bînin bo yekdengiyekî niştimanî li ser

pirsa referandum û serxwebûnê û pêngava yekê jî ew e ku ligel Bexdayê

gotûbêjên zelal û birayane bikin.

Bi navê xwedayê mezin û dilovan

Cemawerê xweragirê Kurdistanê

Hêz û aliyên siyasiyên Kurdistanê

Rewşa navçeyê bi qonaxekî nû da derbas dibe û bi hemû nirxandinekî

guhertinên mezin li holêdane. Gelê Kurdistanê û ezmûna wê jî li ber

qonaxekî hestiyar û çarenûssazdaye, nabê ev derfeta vê carê ji bo gelê me

hatiye pêş, ji dest bidîn. Îro pêgeha gelê Kurdistanê li ser asta navdewletî

asoyekî xwe ya ronak heye û li şerê terorê jî bi hewla Pêşmergeyên

qehreman û li sayeya xwîna şehîdên me û bi xweragiriya xelkê Kurdistanê û

piştevaniya hevpeymanan, serkeftineke mezin bi dest hatiye û terorîst tûşî

şikestên mezin hatin lê belê metirsiya wan her maye.

Hemwelatiyên Kurdistanê

Ji bo me li vê qonaxê da hîç armancek ji mafê çarenûs û serbixweyiyê

bilindtir û pîroztir nîne, nabê rê bidîn ev pirsa çarenûssaz bibê qurbana

nakokî û gengeşeyên navxweyî. Ji bo vê yekê daxwaz ji hemû hêzên

siyasiyên Kurdistanê dikim li zûtirîn demî da rêwşuwênên pêwîst li ber

bigrin ji bo dirustkirina komdengiya niştîmanî li ser pirsa referandum û

serbixweyî û hengava yekem eweye li gel Bexda bikevîn guftûgoya eşkere û

birayane.

Ji bo vê mebestê hemû hêz û aliyan vedixwînim ku civîneke taybet ji bo vê

babetê encam bidîn ji bo biryardana li ser hengavên paşarojê û ji bo eve jî

Dîwana Serokayetiya Herêma Kurdistanê peywendiyê bi hemû aliyan ve

dike.

Mesûd Barzanî

23.06.2016

Nûçeyên têkildar