Birîndarên Başûr ên şerê PKK û Tirkiyê daxwaza alîkariyê dikin

 

Dihok-KDP.info- Serokê Lêjneya Tomarkirina zerer û ziyanan di Encumena

 

Parêzgeha Dihokê de ragihand ku îsal 2 welatiyên Başûrê Kurdistanê ji aliyê

 

PKK û Tirkiyê ve hatine birîndarkirin û ew birîndar jî niha pêdviya wan bo

 

çareseriyê heye û daxwaza alîkariyê dikin.

 

 

Rizgar Sidqî Serokê Lêjneya Tomarkirina zerer û ziyanan di Encumena

 

Parêzgeha Dihokê de ji malpera KDP.info re ragihand: “Îsal 120 gund li

 

sînorê Dihokê bûne armanca bombeyên balafirên Tirkiyê ji wan 75 gundên

 

Amêdiyê û 29 gundên sînorê Zaxo û 7 gundên sînorê Akirê ne.”

 

 

Sidqî wiha got: “Herwiha 2 kes li sînorê Amêdiyê ji aliyê PKK û Tirkiyê ve

 

hatine birîndarkirin û ew birîndar daxwaza alîkariyê dikin, ku yek ji

 

birîndaran lingê wî jêbûye û daxwaza alîkariyê dike.”

 

 

Rizgar Sidqî wiha got: “Ziyanên wan welatiyan ajel û şewitandina rez û

 

baxên wan in ku daxwaz dikin bên qerebûkirin ji ber ku ligel her

 

bombebaranekê ziyanên wan zêdetir dibin.”