Mesrûr Barzanî: Piştî nemana DAIŞê Iraq dibe 3 perçe

 

Hewlêr-KDP.info- Şêwirmendê Encumena Asayişa Herêma

 

Kurdistanê, Mesrûr Barzanî ragihand, piştî şerê DAIŞê divê Iraq di

 

navbera kurdan, sunniyan û şîeyan de were parvekirin da ku

 

pêşiya şer û aloziyê were girtin.

 

 

 

Mesrûr Barzanî, ji ajansa Reutersê re gotiye, sîstema federalîzmê li

 

Iraqê bêkêr bûye ji ber wê jî divê yan Iraqê bi tememî parçe bibe

 

yan jî di navbera kurdan, sunniyan û şîeyan de sîstemek

 

konfederal were avakirin, bi vî rengî her gelek xwedan paytexta

 

xwe be û ti paytextek jî li ser ya din re nebe.

 

 

 

Mesrûr Barzanî her wiha diyar kiriye ku gelên Iraqê êdî bêbawer

 

bûne û ev bêbawerî jî gihîştiye wê astê ku êdî nikarin di bin

 

banekê de bimînin û gotiye, bila bibin du cînarên baş û her gava

 

ku zanîn dikarin bi hev re bijîn û kar bikin, bila cardin dest bidin

 

destê hev û bi hev re kar bikin.

 

 

 

Şêwirmendê Encumena Asayişa Herêma Kurdistanê daye zanîn ku

 

sunniyên Iraqê zanîne ji aliyê şîeyan ve hatine piştguhxistin lewma

 

rêxistina DAIŞê karî bi hêsanî deverên sunniyan bixe destê xwe.

 

 

 

Li ser rewşa Mûsilê jî, Mesrûr Barzanî gotiye, divê beriya ku Mûsil

 

rizgar bibe xelkê Mûsilê li ser qonaxa piştî DAIŞê li hev bikin çimkî

 

rêveberina Mûsilê pir girîng e, eger valahiyek di qonaxa piştî

 

rizgarkirinê de bimîne dê bibe karesatek din.