Mûsil bê Pêşmerge nayê azadkirin

 

Guwêr-KDP.info- Fermandeyekî hêzên Pêşmerge dibêje hikûmeta Iraqê

 

naxwaze Pêşmerge di şerê Mûsilê de beşdar bibe da ku ti destkeft û

 

alîkariyên navdewletî negihên wan, lê hêzên Iraqê bi ser nakevin û nikarin

 

bê Pêşmerge bi tenê Mûsilê rizgar bikin.

 

 

Cemal Mortke Berpirsê Eniya Guwêrê ji malpera KDP.info re ragihand:

 

“Êrişa duhî ya Artêşa Iraqê li Mexmûrê ku karîn riya şergat Hewîce û Geyare

 

bigirin, baş bû û metirsê li ser rojavayê Mexmurê dûr xist û êdî şer ji sînorên

 

Herêma Kurdistanê dûr dikevin û dikeve navçeyên ereban.”

 

Mortke wiha got: “Ew hêzên Iraqê yên ku li Mexmurê ne ji aliyê çek û

 

teqemeniyê bihêz in, lê ji aliyê moral ve nikarin Mûsilê kontrol bikin. Pêwîst

 

e em jî sînorên xwe qayîm bikin da ku bihêz bin ji dizîkirina terorîstan û

 

metrsî li ser Herêma Kurdistanê çênebe.”

 

 

Derbarê amadekariyên operasyona Mûsilê jî, Cemal Mortke wiha domand:

 

“Niha em tenê çavdêriya rewşê dikin. hikûmeta Iraqê naxwaze Pêşmerge di

 

şerê Mûsilê de beşdar bibe da ku ti destkeft û alîkariyên navdewletî negihên

 

wan, lê hêzên Iraqê bi ser nakevin û nikarin bê Pêşmerge bi tenê Mûsilê

 

rizgar bikin.”