“Bi herêmkirina Kerkûkê xiyanet e..Hemû alî li dijî vê yekê ne”

 

Kerkûk-KDP.info- Cîgirê Serokê Encumena Serkirdatiya PDKê ya

 

Kerkûk – Germiyan dibêje, her hewlek bo biherêmkirina Kerkûkê

 

dê rastî şikestinê bibe ji ber ku hemû û xelkê Kerkûkê li dijî wê

 

yekê ne.

 

Diyarî Husên Cîgirê Serokê Encumena Serkirdatiya PDKê ya Kerkûk

 

– Germiyan ji malpera KDP.info re ragihand: “Siyaseta PDKê û

 

xelkê derbarê çarenivîsa wî bajêrî zelal e ku pêwîst e vegere ser

 

Herêma Kurdistanê û her kesek jî behsa biherêmkirina wî bajêrî

 

bike nayê qebûlkirin, ji ber ku ji sala 1961ê de heta niha kurd

 

xwînê di ber wî bajêrî de didin.”

 

Wî berpirsê PDKê li Kerkûkê tekez kir ku ew kesên ku hewla

 

biherêmkirina Kerkûkê didin dê bersiva wan çi be ji malbatên

 

şehîdan re, lewma nabe kes behsa biherêmbûna Kerkûkê bike ji

 

ber ku niha Kerkûk di bin desthelata Pêşmerge û kurdan de ye,

 

lewma qutkirina Kerkûkê ji Kurdistanê xiyanet e li wan kesên ku

 

şerê DAIŞê dikin.

 

Husên wiha got: “PDK û YNKê di civîna duhî de red kirin û wek em

 

haydar in hemû pêkhate li dijî biherêmkirina Kerkûkê ne, lewma

 

her hewlek bo biherêmkirina Kerkûkê dê bê şikestin. Pêwîst e bi

 

rapirsiyê çarenivîsa Kerkûkê bê yekalîkirin û xelkê Kerkûkê dizanin

 

ku berjewendiya wan ligel Herêma Kurdistanê ye û Kurdistan wan

 

diparêzin.”