PDK û YNK: Cudakirina Kerkûkê ji Herêma Kurdistanê xeta sor e

 

Hewlêr-KDP.info- Civîna PDKê û YNKê bi dawî bû û di daxuyaniyê de îşaret

 

bi rêkeftina navbera her du aliyan de ya stratejîk hat kirin û heman demê de

 

teqez kirina Kurdistanî bûna Kerkûkê.

 

 

Piştî hevdîtina şandên YNKê û PDKê civîneke çapemeniyê hate pêkanîn û bi

 

navê her du aliyan endamê polît bûroya YNKê Rizgar Elî û endamê polît

 

bûroya PDKê Mehmûd Mihemed daxuyaniyek dan.

 

                                                                     

Di civîna çapemeniyê de endamê polît bûroya PDKê Mehmûd Mihemed got:

 

‘’Tu pirsên me ji YNKê tuneye, ji ber ku rêkeftineke stratejîk di navbera me

 

de heye û di vê rêkeftinê de gelek xal hene ku pêwîste li ser gotûbêjên

 

berdewam bêne kirin.’’

 

 

Heman demê de endamê polît bûroya YNKê Rizgar Elî jî diyar kir: ‘’Civîna me

 

aşkera bû, babetên ku pêwîstbûn ji aliyên her du aliyan de nêrîn li ser hatin

 

dayîn û ev tê wateya her du partiyane xemxorê Kurdistanê ne û bi

 

berpirsyarî li pêşeroja Herêma Kurdistanê dinêre.’’

 

 

Derbarê pirsa Kerkûkê de jî PDK û YNKê teqezî li Kurdistanî bûna parêzgeha

 

Kerkûkê kirin û dibêjin, li ser herêm kirina Kerkûk û cudakirina ji Herêma

 

Kurdistanê xeta sor e û nayê qebûl kirin. Derbarê çalak kirina parlamentoyê

 

de jî Rizgar Elî got: ‘’Parlamento saziyeke yasayî ye û li gor me berî her

 

tiştekî divê parlamento bê çalak kirin û pirsên giring ên taybet herêmê li

 

parlamentoyê bên çareser kirin.