PDK: Şewitandina jin û keçên êzdî tawanek e li dijî mirovatiyê û em şermezar dikin
Hewlêr-KDP.info- Frakisyona PDKê di Parlementoya Kurdistanê de derbarê
şewitandina hejmarek keş û jinên êzdî ji aliyê DAIŞê ve ragihand ku
şewitandina wan karê herî hov e li dijî mirovatiyê.
Frakisyona PDKê di daxuyaniyekê de ku wêneyek jê ji KDP.info re ragihand
dibêje: “Em wê tawanê bi tawaneke hov li dijî mirovatiyê binav dikin û
şermezariyeke mezin e bo helgirên hizrê DAIŞê û bo wan kesên ku li
hemberî wan tawanan bêdeng in.”
Frakisyona PDKê wiha belav kir: “Navçeya Şingalê ji ber nasnameya wê ya
kurdbûnê û êzdîbûnê heta niha çendîn car rastî karesat û jenosîdan hatiye,
lewma pêwîst e em li hemberî wan tawanên qirêj bêdeng nebin.”
Li gorî rojnameya The Sun a Brîtanî ku roja 6.6.2016ê belav kiriye ku
terorîstên DAIŞê 19 keç û jinên êzdî şewitandine û sedema wê ji ber ku ew
neamade bûn mercên wan cîbicî bikin.
