Li Qeretepe valahiyeke emnî heye..Pêwîstî bi hêzeke zêdetir heye

 

Qeretepe-KDP.info- Berpirsekî kurd li bajarokê Qeretepe dibêje li sînorê

 

wan valahiyeke emnî heye û hêza ku li sînorê wan heye kêm e, lewma

 

daxwaza hêzeke zêdetir kir da ku navçeya wan ji her êrişekê bê parastin.

 

 

Berpirsê Navçeya PDKê li Qeretepe Kemal Îbrahîm ji malpera KDP.info re

 

ragihand: “Hêj deselata kurdan li navçeyê baş e û hevahengî di navbera me

 

de heye, helbet eger wisa berdewam bin kes nikare nêzîkî me bibe û emê

 

wisa bi deselat bimînin.”

 

 

Kemal Îbrahîm wiha got: “Li sînorê me valahiyeke emnî heye û hêza ku li

 

sînorê me heye kêm e, lewma daxwaza hêzeke zêdetir kir da ku navçeya

 

wan ji her êrişekê bê parastin, ku ew hêz ji xelkê navçeyê bê pêkanîn yan jî

 

Hêzên Pêşmerge bên şandin.”

 

 

Îbrahîm wiha domand: “Ji çiyayên Hemrîn heta Seidiye û heta Mûsilê

 

navçeyeke berfireh e, lewma dema behsa tevgera DAIŞê li wir tê kirin rast e,

 

lewma me daxwaza hêzê kir û heta niha ti hêz ji me re nehatiye şandin.”