Nûnerê Fîlîpînê: Fîlîpîn amade ye Pêşmerge perwerde bike

 

Hewlêr-KDP.info- Nûnerê Fîlîpînê li Iraqê di hevdîtina ligel Şêwirmendê

 

Encumena Asayişa Kurdistanê de ragihand, Fîlîpîn amade ye Pêşmerge

 

perwerde bike.

 

Şêwirmendê Encumena Asayişa Herêma Kurdistanê Mesrûr Barzanî, îro

 

pêşwazî li wekîlê balyozê Fîlîpînê li Iraqê, Almer Kator kir.

 

Di wê hevdîtinê de, Mesrûr Barzanî behsa şerê DAIŞê û serkeftinên

 

Pêşmerge li hember DAIŞê kir û ragihand, Pêşmerge ruxmî nebûna çekên

 

pêwîst, kariye ne tenê pêşiya DAIŞê bigire lê kariye DAIŞê paşde bide

 

vekişandin û gelek deveran ji destê wê rêxistinê derxîne.

 

Mesrûr Barzanî diyar kir ku DAIŞ êdî bûye tehdîdek cîhanî ji ber wê jî lazim e

 

Fîlîpîn û welatên din ên cîhanê di şerê DAIŞê de alîkariya Herêma Kurdistanê

 

û Pêşmerge bikin.

 

Wekîlê balyozê Fîlîpînê jî pesnê Pêşmerge da û got, Pêşmerge li eniya pêş li

 

şûna hemû cîhanê li dijî terorîstan şer dike û serkeftinên mezin tomar dike,

 

ji ber wê jî ez bi navê hikûmeta Fîlîpînê pîrozbahiyê li we dikim.

 

Almer Kato her wiha anî ziman ku Fîlîpîn amade ye di çarçoveya şerê li dijî

 

DAIŞê de, Pêşmerge perwerde bike.

 

Wî dîplomatê Fîlîpînî da zanîn ku Fîlîpîn dê demek nêzîk de nûnertiya xwe ya

 

dîplomatîk li Hewlêrê veke.