Balyozê Kanada û Nêçîrvan Barzanî behsa pêdviyên Pêşmerge kirin
Hewlêr-KDP.info- Serokwezîrê Herêma Kurdistanê destxweşî li kar
û çalakiyên Balyozê Kanada li Iraq û Urdinê Birono Sakomanî kir ji
ber peydakirina piştgiriya leşkerî bo Hêzên Pêşmerge di şerê li dijî
DAIŞê de û dirustkirina pêwendiyeke bazirganî di navbera Herêma
Kurdistanê û Kanada de di dema karkirina wî de.
Îro Pêncşemê 9.6.2016 danê sibehê Serokwezîrê Herêma
Kurdistanê Nêçîrvan Barzanî pêşwazî li Balyozê Kanada li Iraq û
Urdinê Birono Sakomanî û şanda pê re kir, ku bi mebesta
xatirxwestinê û dawîhatina karê wî, serdana Herêma Kurdistanê
kiriye.
Di wê hevdîtinê de Balyozê Kanada di destpêkê de spasiya
Nêçîrvan Barzanî kir ji ber handan û alîkarî û piştevaniya wî di karî
wî de û hêvî xwest Herêma Kurdistanê bibe xwedî paşerojeke geş
û zelal û Pêşmerge di şerê terorê de her serkeftî bin. Herwiha da
zanîn ku di paşerojê de ew li kuderê kar bike dê wek dostekî nêzîk
alîkariya hikûmet û gelê Kurdistanê bike.
Ji aliyê xwe ve Nêçîrvan Barzanî spasiya vê serdanê kir û destxweşî
li kar û çalakiyên Balyozê Kanada li Iraq û Urdinê Birono Sakomanî
kir ji ber peydakirina piştgiriya leşkerî bo Hêzên Pêşmerge di şerê
li dijî DAIŞê de û dirustkirina pêwendiyeke bazirganî di navbera
Herêma Kurdistanê û Kanada de di dema karkirina wî de û hêvî
xwest ku ew di karê xwe yê nû de serkeftî be.
Di wê hevdîtinê de pêşhatên dawî yên eniyên şerê li dijî DAIŞê û
peydakirina alîkariyên zêdetir bo Pêşmerge û çend mijarên din ên
pêwendîdar gotûbêj kirin.
