Şêx Şamo Zanayên ola êzdî rexne dike..Pêwîst e wek xristiyanan xwedî peyam bin

 

Hewlêr-KDP.info- Nûnerê kurdên êzdî di Parlementoya Kurdistanê de

 

ragihand ku pêwîst e zanayên olî yên êzdî wek xristiyanan peyameke wan

 

ya zelal hebe bo şîretkirina kurdên êzdî derbarê koçkirinê û bergirîkirin li

 

axa xwe û tevlîbûna refên Pêşmerge, ji ber ku paşeroja kurdên êzdî ligel

 

Herêma Kurdistanê ye.

 

 

Şêx Şamo Nûnerê kurdên êzdî di Parlementoya Kurdistanê de ji malpera

 

KDP.info re ragihand: “Patriyarkê Kildan û Siryanan şîretan li xelkê xwe dikin

 

ku li axa xwe bimînin û giringiyê bi pîroziyên xwe bidin û ji welatê xwe bar

 

nekin û daxwaz ji Serok Barzanî dikin ku navçeyên wan azad bike û tevlî

 

Hêzên Pêşmerge bibin da ku axa xwe biparêzin û tevlî hêzên neşeriî yên

 

Iraqê nebin. Li hember zanayên olî yên êzdî, diyar dibe ku zanayên me

 

lawaz in û ne di asta wê berpirsyaretiyê de ne ku şîretan li xelkê me bikin.”

 

Şamo wiha got: “Pêwîst bû mîr û babeşêx û Encumena Rûhanî şîret li xelkê

 

kiribana û heta niha peyameke wan yan zelal wek xristiyanan tune ye û

 

nikarin ji xelkê re bêjin dest ji axa xwe bernedin, lê wan berî xelkê bar kirin.”

 

 

Nûnerê kurdên êzdî di Parlementoya Kurdistanê de wiha domand: “Nabe

 

ew zanayên me bi vî awayî bêdeng bin û pêwîst e peyama wan hebe, wek

 

mînak xortên me tevlî PKKê dibin, bi vê yekê çi paşeroja wan dibe? Çi

 

sûdekê dibînin?. Lê eger şîretan li wan bikin tevlî Pêşmerge bibin dê ji wan

 

re pir baştir be ji ber ku paşeroja me ligel Herêma Kurdistanê ye.”