“Em spasiya Serok Barzanî û hikûmetê dikin li ser vekirina Deriyê Sêmalka”
Rojavayê Kurdistanê-KDP.info- Kurdên Rojavayê kurdistanê û
partiyên siyasî spasiya Serok Barzanî û Hikûmeta Herêma
Kurdistanê dikin bo vekirina Deriyê Sêmalka û daxwaz dikin ku
PYDê pêbendî rênmayîyan bibe, ji ber ku wek ew dibêjin xelkê
Rojava di rewşeke pir xerab de ne.
Endamê Serkirdatiya PDK-S Nûrî Birîmo ji malpera KDP.info reragihand:
ragihand: “Em gelekî spasiya Serok Barzanî û Hikûmeta Herêma
Kurdistanê dikin ku biryar dan Deriyê Sêmalka vekirin ji ber ku
xelkê Rojavayê Kurdistanê ketibûn rewşeke pir xerab de û ji hemû
baştir biryar hatiye standin ku gumrik ji herdu aliyan neyê standin
û ev yek alîkarî ye bo Rojavayê kurdistanê bo kêmkirina nirxê
kelûpelan û em hêvîdar in PYDê pêbendî wê be û ligel Başûrê
Kurdistanê alîkariya xelkê bike.”
Birîmo wiha got: “PYDê tenê xwe feriz dike û naxwaze ti aliyekî
Rojavayê Kurdistanê kar bike, ji ber ku ne bikêfa xwe ye û di bin
pilana Hikûmeta Sûriye û Îranê de ye û pilanên wan bicîh dike, ji
ber ku eger bi rastî ew xwe wek hêzeke Kurdistanî dibînin pêwîst e
pêwendiya wan ligel Herêma Kurdistanê baş ba, ji ber ku bê
Herêma Kurdistanê ew nikarin tiştekî bikin û pirsgirêka kurdî li
Sûriyê çareser bikin.”
