Kamyonên Başûr li hêviya PYDê ne ku deriyê Sêmalka veke

 

Hewlêr-KDP.info- Ji aliyê Herêma Kurdistanê ve hemû amadekarî

 

bo vekirina deriyê Sêmalka bidawî hatine û çendîn otomobîlên

 

kamyon li hêviya aliyê Rojavayê Kurdistanê ne ku PYDê sînor veke.

 

 

Serperiştyarê Sînorê Pêşabûr Şewket Berbiharî ji malpera 

 

KDP.infore ragihand: “Ji aliyê Herêma Kurdistanê ve hemû amadekarî bo

 

vekirina deriyê Sêmalka bidawî hatine û niha çendîn kamyon

 

rawestane da ku derbas bibin, lê ji aliyê Rojavayê Kurdistanê çend

 

pirsgirêkên piçûk mane ku ew jî temam bibin dê sînor vebe,

 

lewma piştî kêlîkeke din dê sînor vebe û ew kamyonên ku gihîştine

 

sînor dê derbas bibin.”

 

Berbiharî wiha got: “Vekirina wî sînorî xwedî giringiyeke mezin e

 

bo xelkê Rojavayê Kurdistanê ji ber ku xelk di rewşeke pir xerab de

 

ne û çûna wan kelûpelan bi bê gumrik di berjewendiya xelkê de

 

ye.”

 

Li gorî zanyariyên KDP.info mercê sereke yê Hikûmeta Herêma

 

Kurdistanê bo vekirina deriyê Sêmalka wernegirtina pereyan ji

 

kesê ku diçin û tên û wernegirtina bac û gumrikê ye ji ser

 

kelûpelên ku diçin Rojavayê Kurdistanê, ku PYDê berê werdigirt û

 

ew pere ne ji bo berjewendiya xelkê Rojavayê Kurdistanê bikar

 

dihat.