Nêçîrvan Barzanî pêşwaziyê li Serokwezîrê berê yê Fransayê kir
Hewlêr-KDP.info- Nêçîrvan Barzanî Serokwezîrê Herêma Kurdistanê, li
bajarê Hewlêrê, pêşwazî li Franswa Falun serokwezîrê berê û endamê nuha
yê parlamnetoyê yê Fransayê û şandeya pê re kir.
Falun kêfxweşiya xwe li hember serdana bo Herêma Kurdistanê nîşan da û
behsa pirograma serdanan xwe û serdana kampên koçber û penaberan û
bereyê cenga dijî terorê kir, mêrxasiya pêşmerge li rûbirûbûna terorê bilind
nirxand û pîrozbahî û destxweşî li serketinên pêşmerge, bi taybetî
serketinên van rojên dawiyê, kir.
Nêçîrvan Barzanî kêfxweşiya xwe li hember serdana serokwezîrê berê yê
Fransayê û şandeya pê re bo Herêma Kurdistanê nîşan da û sipasiya
piştgiriya berdewam ya Fransayê bo Herêma Kurdistanê kir û tekîd kir ku,
pêşmerge li ser serketinên xwe yên bi ser terorîstan de berdewam e. Di
warê alîkarîkirina koçber û penaberan de, serokwezîr tekîd kir ku, pêwîst e
civaka navdewletî zêdetir hevkariya Herêma Kurdistanê bike.
Behsa têkeliyên navbera Herêma Kurdistan, Iraq û welatên cîran hat kirin û
divê çarçoveyê de, serokwezîr tekîd li ser wê yekê kir ku, Herêma
Kurdistanê dixwaze faktora îstîqrarê be li deverê û baştirîn têkelî digel Îraq
û welatên cîran hebe û pirsên hilawîstiyên navbera Hewlêr û Bexdayê bi
rêya diyalog û danûstanidnan çareser bike.
Rewşa koçber û penaberan li Herêma Kurdistanê û pêwîstiya hevkarîkirina
wan ji aliyê civaka navdewletî û hikûmeta Iraqê ve, rewşa êkonomiya
Herêma Kurdistanê, bandora kirîza êkonomî û cenga dijî terorê li ser
Kurdistanê, ew bargiraniya ji sedema hatina hijmareke gelek mezin ya
koçber û penaberên destê terorê ketiye ser milên hikûmeta herêma
Kurdistanê, rewşa kirîstiyanan li Iraqê û hatina wan bo Herêma Kurdistanê û
pêşhatên rewşa Suryeyê di civînê de hatin gotûbêj kirin.
