Mesrûr Barzanî: Li welatekî xelk li ser nasnameyê bên kuştin, ti wateyek ji yekgirtna wê re tune
Hewlêr-KDP.info- Şêwirmendê Encumena Ewlekariya Herêma Kurdistanê
Mesrûr Barzanî di pêşwaziya Serokwezîrê berê yê Frasnayê de ragihand
dema di welatekî de welatî li ser nav û nasnameyê bên kuştin, wê demê ti
wateyek ji yekgirtina wî welatî re namîne.
Îro Yekşemê 05.06.2016 Şêwirmendê Encumena Ewlekariya Herêma
Kurdistanê Mesrûr Barzanî pêşwaziya Serokwezîrê berê yê Fransayê
Francisco Fallon û şandeke pê re kir ku ji hijmarek Sînator, Parlementer û
Rojnamegeran pêk hatibû.
Di civînê de bi awayekî giştî giftûgo li ser şerê dijî terorîstên DAIŞê û
çareserkirina kêşeyên deverê hate kirin.
Di berdewamiya civîna han de ku Balyozê Franseyê yê li Hewlêrê jî tê de
beşdar bû, Fallon behsa serdana xwe û şanda pêre bo eniyên şer kir û diyar
kir ku mebest ji vê serdana han agehdar bûn ji rewşa eniyên şer e û tekez li
ser vê yekê kir ku vê Franse zêdetir hevkariya Kurdistanê bike.
Di beşeke din ya civîna han de Mesrûr Barzanî jî behsa rewşa meydanî ya
eniyên şerê dijî terorîstan û çawetiya çareser kirina kêşeyên heyî li deverê
de kir û got: “Dema li welatekî de welatî li ser nav û nasnameya xwe werin
kuştin vê demê bi yekgirtî mayîna vê welatî ti wateyeke xwe tune ye.”
Mesrûr Barzanî herwiha behsa prosesa refrandomê jî kir û anî ziman ku
mebest ji organîzekirina refrandomê ewe ku xelk bo xwe biryar li ser
çarenivîsa xwe bide.
Şanda mêwan herwiha spasiya hikûmeta Kurdistanê jî kir ku hembêza xwe
bo hêjmareke gelek zêde ji penaberan re ve kiriye û tekez li ser vê yekê kir
ku ew weke Ewrûpî di warê dîrokî de li hember gelê Kurd û Kurdistanê xwe
bi tawanbar dihesbînin û hêvî dikin ku di pêşerojeke nêz de em bikaribin
qerebûya şaştiyên dîrokî bikin
