Serok Barzanî pêşwaziya şanda Navenda Diyaloga Mirovî kir
Hewlêr-KDP.info- Serok Barzanî pêşwaziya şanda Navenda Diyaloga Mirovî
kir û di wê hevdîtinê de erkê wan bi başî û mirovî wesif kir û amadehiya
tevahî ya Hikûmeta Herêma Kurdistanê ji bo hemahengî û hawkarîkirina
ligel Navenda Cîhanî ya Diyaloga Mirovî nîşanda.
Roja sêşem 24.05.2016 li Selahedîn Mesûd Barzanî Serokê Herêma
Kurdistanê pêşwaziya şanda Navenda Diyaloga Mirovî kir.
Li hevdîtinê de şanda mîhvan bi kurtî ji kar û çalakiyên xwe yên aştîxwazane
û mirovdostane yê li navçeyên cûda cûdayê cîhanê û her wiha awayê
prensîpên karkirina Navenda Diyaloga Mirovî ji bo rêgirtina li şer û
tundutîjiyê û dawî anîna bi şerê di navbera aliyên nakokiyan ji bo Serok
Barzanî behs kir.
Her wiha ronahî xistin li ser wan hewlan ku li gel grûpên çekdaran û
Hikûmeta Sûriye ji bo dawî anîna şer û gihîştina bi aştiyê encam dane.
Şanda mîhvan spasî Hikûmeta Herêma Kurdistanê kirin ku hevkar û
hemaheng bûye li gel saziyên wan û daxwaza peywendî û hemahengî û
şîretê ji Serok Barzanî kirin bo ku li encamdana erk û karên wan de ber çav
roniyeke zêdetir hebê.
Li beranber da Serok Barzanî hêviya serkeftinê ji bo şanda mîhvan xwest û
erkê wan bi başî û mirovî wesif kir û amadehiya tevahî ya Hikûmeta Herêma
Kurdistanê ji bo hemahengî û hawkarîkirina li gel Navenda Cîhanî ya
Diyaloga Mirovî nîşanda.
Her li vê civînê de Serok Barzanî ronahî xist ser rewşa siyasî û emnî ya Iraq û
Sûriye û navçeyê û behsa hereşeya terorîstan ya li ser aramî û bexteweriya
gelên navçeyê kir.
