Mesrûr Barzanî: Mafê me yê dewleta serbixwe heye

 

Hewlêr-KDP.info- Mesrûr Barzanî Şêwirmendê Encumena Ewlekariya

 

Herêma Kurdistanê pêşwaziya Nûnerê Serokê Berîtanyayê bo karûbarê

 

Yemenê kir û di wê hevdîtinê de ragihand ku wek hemû gelên cîhanê mafê

 

gelê Kurdistanê jî heye ku bibe xwedî dewleta serbixwe.

 

Îro 22.5.2016 Şêwirmendê Encumena Ewlekariya Herêma Kurdistanê

 

Mesrûr Barzanî pêşwaziya parlementerê parlementoya Berîtanyayê yê ser

 

bi partiya parêzgaran û hevdem nunerê Serokê vê welatî bo karûbarên

 

Yemen û Serokê civata Rojhilata Navîn ya parêzgaran (CMEC) Sir Alan

 

Duncan kir ku di çarçoveya hewlên Berîtanyayê yên bo wenêrîna rewşa

 

deverê serdana Kurdistanê kiriye.

 

Di vê hevdîtinê de bi awayekî berfire giftûgo li ser rewşa siyasî û ewlekarî û

 

kêşeyên bingehîn yên deverê û dilgiraniyên gelê Kurd û hevkariyên

 

Berîtanyayê yên bo çareser kirina kêşeyên heyî hate kirin.

 

Di berdewamiya hevdîtina han de Mesrûr Barzanî bi awayekî kurt behsa

 

dîroka siyasî ya Iraqê û bandora vê ya li ser aramiya deverê kir û wenêrîn

 

kirin bi nexşeya deverê bo bidest xistina aramiyê bi pêngaveke girîng wesif

 

kir û anî ziman ku pergala şikest xarî û sernekeftî bi berdewamî karesat û

 

trajedî berhem dihêne û çû bûna DIŞIê jî encameke sernekeftî ya vê pergala

 

şikestxwariye.

 

Mesrûr Barzanî di berdewamiya axaftinên xwe de tekez li ser vê yekê kir ku

 

bo domandina şerê dijî DAIŞê û şerê dijî terorê pêdivî bi hevkariya Berîtanya

 

û hevpeymaniya cîhanî heye.

 

Barzanî di beşeke din ya axaftinên xwe de behsa xwestek û daxwazên gelê

 

Kurd derbarê pêşeroja deverê de kir û eşkere kir ku Kurd jî weke her

 

neteweyeke din xwedan mafe ku dewleta xwe ya serbixwe hebe ku ew yek

 

jî dibe fakterekî bihêz ya bo aramiya deverê û hevdem gerentiye bo xwe

 

parastin ji metirsiyan bi taybetî ew metirsiyên ku vê di pêşerojê de rastî

 

wan were.

 

Mesrûr Barzanî herwiha anî ziman ku piştî hilweşandina rejîma bes ya Iraqê,

 

Kurd gelek hewl da daku iraqeke demokratîk û fedral awa bibe bi mercek ku

 

Kurd tê de hevbeş û hevpar de lêbelê kiriyarên Bexdayê yên bo ji bîr kirina

 

destûr û birîna bûdce û mûçeya gelê Kurd û çê kirina astengiyan li berdem

 

pêşkeftina gelê Kurd beruvajiya vê yekê îsbat kir.

 

Mesrûr Barzanî got: “Eger Iraq Kurdistan weke hevbeşeke xwe ya rasteqîn

 

qebûl nake û Kurdistan jî paşkoyê red bike vê demê lazime di navbera her

 

du aliyan de mekanîzmek were dîtin daku bibin du cîranên baş ji hevû du re

 

jiber ku nabe Kurdistan baca şatiyên xelkên din bide.”