Êmînkî: Miletê me dê bi riya referandumê çarenivîsên xwe diyar bike

 

Hewlêr-KDP.info- Cîgirê Serokê Parlementoya Kurdistanê Ceifer Êmînkî di

 

peyamekê de bi helkefta salvegera yekemîn hilbijartina Parlementoya

 

Kurdistanê de ragihand, em piştrast in ku miletê me dê nexşeya paşeroja

 

xwe bi heman morala yekem hilbijartina parlementoyê xêz bike û dê bi riya

 

referandumê biryarê li ser pirsên çarenivîsazên xwe bide.

 

Ceifer Êmînkî Cîgirê Serokê Parlementoya Kurdistanê di peyamê de

 

ragihand: “Beriya 24 salan di rojekê wek îro de û di qonaxeke çarenivîsaz de

 

gelê Kurdistanê bi hemû çîn û tiwîjeyan bi dilxweşî û moraleke bilind berê

 

xwe dan senduqên dengdanê di yekemîn hilbijartinên azad de, ku bi rojeke

 

dîrokî û bingeha demokrasiyê li Kurdistanê tê naskirin. Herwiha ew

 

hilbijartin bû bingeha avakirina Hikûmeta Herêma Kurdistanê û bi vê yekê

 

qonaxeke nû bo xebata demokrasiyê û rêveberiyê û li ser asta derve jî deng

 

veda.”

 

Êmînkî wiha got: “Îro jî di salvegera yekemîn hilbijartin de, jibilî şanaziya me

 

bi wê pêngavê, niha rewşa siyasî ya Kurdistan û Iraqê û navçeyê bi giştî rastî

 

pêşhat û guhertinên bilez hatiye û şerê li dijî terorê û kirîza darayî hevkêşên

 

siyasî aloztir kiriye, lê em piştrast in ku miletê me li gorî ezmûn û xebata

 

xwe ya dîrokî û bawerî bi xwe, dê bi ser wan girêk û pirsgirêkan bikeve û dê

 

nexşeya paşeroja xwe bi heman morala yekem hilbijartina parlementoyê

 

xêz bike û dê bi riya referandumê biryarê li ser pirsên çarenivîsazên xwe

 

bide.”