Hewramî: Şandeke Kurdistanê serdana Bexdayê dike..Emê bi aştiyane referandumê lidar bixin
Hewlêr-KDP.info- Berpirsê Ofîsa Pêwendiyên Dervea yê PDKê Hêmin
Hewramî ragihand ku şandeke pilebilind a Kurdistanê derbarê lidarxistina
referandumê û bo gotûbêjkirin û çareserkirina pirsgirêkên navbera herdu
aliyan dê serdana Bexdayê bike.
Hêmin Hewramî pêşwazî li Berpirsa Ofîsa Kanada li Herêma Kurdistanê
Zeyneb Elyava kir û di wê hevdîtinê de ragihand ku eger Hikûmeta Bexdayê
pêbendî madeyên destûr û rêkeftinan bibe û mercên şeraketa rasteqîne û
pêkvejiyanê û tebayî di navbera pêkhatan de qebûl bike, egera
lidarnexistina referandumê heye.
Hewramî wiha got: “Lê eger herdu aliyan lihev nekirin, dê referandum were
lidarxistin û emê pêbendî biryara milet bin.”
Ji aliyê xwe ve, şanda mêvan kêfxweşiya xwe bo vê hevdîtinê diyar kir û hêvî
xwest ku ezmûna Kurdistanê zêdetir ber bi pêşve biçe û got ku pêwîst e
girift û nakokî bi demokrasî bên çareserkirin.
