Maceristan û Kurdistan pêwendiyên xwe pêş dixin
Hewlêr-KDP.info- Wezîrê Bergiriyê yê Maceristanê di hevdîtinekê de ligel
Serokwezîrê Herêma Kurdistanê Nêçîrvan Barzanî de ragihand ku welatê wî
û civaka navdewletî bi awayekî giştî birêz û teqdîreke mezin li rol û
qehremaniya Hêzên Pêşmerge di şerê li dijî terorê de dibînin, ji ber ku
berdewam serkeftinê bi dest ve tînin û xwîna xwe Herêma Kurdistanê û
hemû cîhanê ji tirs û gefa terorê diparêzin.
Nêçîrvan Barzanî Serokwezîrê Herêma Kurdistanê îro danê sibeha
Pêncşema 12-5- 2016 pêşwazî li Îstîvan Şimîçko Wezîrê Bergiriyê yê
Maceristanê û şanda pê re ya leşkerî û dîplomatîk kir.
Di wê hevdîtinê de Wezîrê Bergiriyê yê Maceristanê dilxweşiya xwe bi
serdana Herêma Kurdistanê û hevdîtina ligel her yek ji Serok û Serokwezîrê
Herêma Kurdistanê diyar kir û piştgiriya welatê xwe bo Herêma Kurdistanê
di şerê li dijî terorê dûpat kir bi taybetî di warê hevkariyên leşkerî û
perwerdeya leşkerî bo Hêzên Pêşmerge.
Herwiha şanda mêvan tekez kir li ser wê yekê kir ku welatê wî û civaka
navdewletî bi awayekî giştî birêz û teqdîreke mezin li rol û qehremaniya
Hêzên Pêşmerge di şerê li dijî terorê de dibînin, ji ber ku berdewam
serkeftinê bi dest ve tînin û xwîna xwe Herêma Kurdistanê û hemû cîhanê ji
tirs û gefa terorê diparêzin.
Ji aliyê xwe ve, Serokwezîrê Herêma Kurdistanê sipasiya wê serdana şanda
Maceristanê û piştgiriya wê bo Pêşmerge kir û daxwaz kir ku li ser alîkariyên
xwe berdewam bin û pesnê rola Maceristanê da di nava hevpeymaniya
navdewletî de û hêvî xwest ku wek endamekî hevpeymaniya navdewletî li
navendên navdewletî daxwaza piştgiriyeke zêdetir û berdewam bike bo
Herêma Kurdistanê.
Herwiha Nêçîrvan Barzanî da zanîn ku Pêşmerge li şûna hemû cîhanê şerê
terorê dike ji ber ku teror ne tenê gef e li ser herêma Kurdistanê, lê belê li
ser hemû civaka navdewletî.
Di beşeke din a wê hevdîtinê de pêşxistina pêwendiyên di navbera
Maceristan û Herêma Kurdistanê de hatin gotûbêjkirin û herdu aliyan hêvî
xwestin ku pêwendiyên wan pêş bikevin bi taybetî di warê perwerdeyê û
çandiniyê û kiltûrî û bazirganî.
