Xelîl: Nêzîk ezê pirsgirêka xelkê Şingalê bibim Neteweyên Yekbûyî

 

Şingal-KDP.info- Qayîmeqamê Şingalê Mehma Xelîl ragihand ku ewê di

 

demeke nêzîk de serdana avahiya Neteweyên Yekbûyî li New Yourkê bike û

 

li ser avakirina Şingalê û pirsa jenosîdnasandina karesat û komkujiya

 

êzdiyan, gotûbêjan bike.

 

Mehma Xelîl Qayîmeqamê Şingalê ji malpera KDP.info re ragihand: “Di

 

demeke nêzîk de ezê serdana avahiya Neteweyên Yekbûyî li New Yourkê

 

bikim û biryar e li wir ligel Sekreterê Giştî yê Neteweyên Yekbûyî Ban Kî

 

Mon bicivim û pirsgirêka xelkê Şingalê û pirsa tawana jenosîdê û şandina

 

tîmên taybet bi gorên komî bigihînim Neteweyên Yekbûyî.”

 

Mehma Xelîl wiha got: “Pirsgirêka Şingalê navdewletî û mirovatî ye û Şingal

 

wêran bûye, lewma wek xizmeta xelkê Şingalê her rêyek pêwîst bike emê

 

bigirin bo alîkariya şingaliyan û avakirina Şingalê û bijenosîdnasandina

 

karesat û komkujiya ku hat serê Şingalê û bo rizgarkirina dayik û xuşkên

 

Şingalê.”

 

Qayîmeqamê Şingalê wiha domand: “Şingal beşek e ji Herêma Kurdistanê ji

 

aliyê yasayî û desturî ve û em naxwazin ti astengên siyasî li pêşiya me

 

derkevin û niha jibilî Serok Barzanî kes alîkariya me nake û li pişta me

 

nasekine, lê mixabin Herêma Kurdistanê jî di kirîzeke aborî de derbas dibe.”