“Berpirsên Îranê serdana min kirin..Ti xortên Başûr nema diçin nav DAIŞê”

 

Hewlêr-KDP.info- Rêvebirê Pêwendiyan û Pêkvejiyana Olî di Wezareta

 

Ewqafê ya Hikûmeta Herêma Kurdistanê de Merîwan Neqişbendî ragihand

 

ku di 8 mehên borî de ti xortên Herêma kurdistanê tevlî DAIŞê nebûne.

 

Herwiha ew xortên ku çûbûn jî yan hatine kuştin yan jî vegeriyane.

 

Merîwan Neqişbendî Rêvebirê Pêwendiyan û Pêkvejiyana Olî di Wezareta

 

Ewqafê ya Hikûmeta Herêma Kurdistanê de ji malpera KDP.info re ragihand:

 

“Ew tedbîrên leşkerî û ewlehî û hizrî ku Herêma Kurdistanê bikar anîne

 

bûne sedem ku xort kêm biçin nava DAIŞê ku di 8 mehên borî de ti xortê

 

Herêma Kurdistanê tevlî DAIŞê nebûne û berevajî piraniya wan xortên ku

 

tevlî DAIŞê bibûn yan hatine kuştin yan jî vegeriyane.”

 

Neqişbendî wiha got: “Niha tevlîbûna xortên Îranê bû nav DAIŞê dibe

 

diyarde û metirsiyeke mezin li ser Herêma Kurdistanê ji ber ku çekdarekî

 

kurdê Başûr di nava DAIŞê de tune ye heta ku bi destê wî dîlên Pêşmerge

 

bikuje, lewma DAIŞ bi destê kurdên Rojhilatê Kurdistanê wê yekê dike û di

 

êrişa vê dawiyê de li ser Tilisqofê de çend kurdên Rojhilat di nava wan de

 

hebûn, ku 2 ji wan hatine kuştin.”

 

Merîwan Neqişbendî wiha domand: “Ji bo vê mebestê duhî berpirsên Îranê

 

li Herêma Kurdistanê serdana min kirin û me ew mijar bi eşkere behs kir û

 

wan jî soz da ku pêdeçûnê di vê pirsê de bikin û sînorên xwe tundtir bikin da

 

ku xortên Îranê neçin nava DAIŞê.”