Şêx Şemo: Cudahî di navbera PKK û DAIŞê de tune ye

 

Şingal-KDP.info- PKK li kampa Çemşko ku dikeve sînorê Zaxo 2 

 

zarokên din ên 13 salî ku xelkê Şingalê ne bi zorê bo serbazgehên 

 

xwe li çiya û çolên Kurdistanê revandine û vê yekê jî nerazîbûn li 

 

cem xelkê navçeyê çêkiriye. Wek xelkê navçeyê amajeyê bo dikin, 

 

her dema ku ew zarok bixwazin vegerin dê bên kuştin lewma wek 

 

ew dibêjin ti cudahî di navbera PKK û DAIŞê de tune ye.

 

Nûnerê Kurdên Êzdî di Parlemantoya Kurdistanê de Şêx Şemo ji 

 

Rojnameya Hewlêrê re ragihand: “PKK bo meramên xwe û yên 

 

piştevaniya wê dikin berdewam kar bo têkdana rewşa Şingalê û 

 

xelkê Şingalê dike û PKK li kampa Çemşko yak u dikeve sînorê Zaxo 

 

2 zarokên 13 salî ku xelkê Şingalê ne xapandine û bi zorê birine 

 

serbazgehên. Birina wan zarokan di demekê de ye ku li gorî 

 

qanûna PKKê her demekê ku ew bixwazin vegerin nav malbarên 

 

xwe pêwîst e bên kuştin, lewma ti cudahiyek di navbera PKK û 

 

DAIŞê de tune ye, ji ber wê zordariya ku li kurdên êzdî dike. Ne 

 

tenê ev, lê belê berdewam PKKê di nava kurdên êzdî û li ser Çiyayê 

 

Şingalê jî kur û keçên êzdî dixapîne û bi zorê tevlî xwe dike.”

 

Şemo wiha got: “Sedema xapandina wan zarokan vedigere bo wê 

 

yekê ku PKK berdewam ji wan re behs dike ku ewê Şingalê ji wan 

 

re bikin kanton û ew tiştên ku heta niha bi dest we neketine dê ji 

 

we re peyda bibin, lewma pêwîst e xelkê me hişyar bin û bi wan 

 

gotinên PKKê neyên xapandin û bi du wan nekevin û jiyana xwe 

 

nekin dozex, ji ber ku PKKê tenê ji bo meramên xwe wan karan 

 

dike û dixwaze kur û keçên êzdî bixapîne û wan bikar bîne.”

 

Şêx Şemo wiha got: “PKK bacê ji kurdên êzdî destine û sedema wê 

 

jî vedigere ku PKKê ji xelkê re gotiye ku ew alîkariya xelkê Şingalê 

 

dikin bi taybetê yên li nava kampan, lê heta niha jibilî tevliheviyê û 

 

fitneyê yek dînar alîkariya wan nekirine.”