Muxtarê gundan: Bila ji me dûr bikeve û pirsgirêkan ji me re dernexe

 

Sîdekan-KDP.info- Rêveberê Nahiyeya Sîdekan ragihand ku ji ber 

 

bombebarana balafirên Tirkiyê, PKKê navendên xwe nêzîkî gundan 

 

kiriye û vê yekê tirseke mezin xistiye dilê xelkê de û muxtarê hemû 

 

gundan jî daxwaz dikin ku PKK ji wan dûrkeve û pirsgirêkan ji wan 

 

re dernexin.

 

Karwan Kerîmxan Rêveberê Nahiyeya Sîdekan ji malpera KDP.info 

 

re ragihand: “Ji ber zêdebûna bombebarana balafirên Tirkiyê li ser 

 

sînorên Sîdekan, PKKê navendên xwe nêzîkî gundên Başûrê 

 

Kurdistanê kirine, ew jî ji bo wê yekê ye ku balafir li wan nedin, lê 

 

vê yekê tirseke mezin li cem xelkê çêkiriye û ji ber vê yekê jî me 

 

haya berpirsên hikûmetê pê xistiye. Herwiha ji ber ku pêwendiya 

 

me bi PKKê re tune ye, me bi rêya welatiyan re ew agahdar kirine 

 

ku xwe nêzîkî gundan nekin û li nava gundan neçin û neyên, da ku 

 

balafir li gundan nedin û eger bûyerên wek ya Zargelê li Sîdekanê 

 

jî rû bide divê PKKê berpirsyaretiya wê rake.”

 

Kerîmxan wiha got: “Ji 250 gundî li sînorê Sîdekan, 100 gund ji ber 

 

rewşa ewlehiyê nehatine avakirin û zêdetirî 80 welatiyên deverê 

 

bûne qurbanî. Herwiha niha ji ber ku behar e, xelk dixwazin ji xwe 

 

re giya û pincarê bidin hev û bikin xwarin, lê PKK rê li pêşiya wan 

 

digire û nahêle xelk herin û bên û ew yek jî pirsgirêkan ji xelkê re 

 

derdixe û muxtarê hemû gundan jî daxwaz dikin ku PKK ji wan 

 

dûrkeve û pirsgirêkan ji wan re dernexin.”