Sînor hatine xêzkirin..Maye ku kurd dewleta xwe rabighînin

 

Hewlêr-KDP.info- Serok Barzanî bo ragihandina serxwebûna Kurdistanê û 

 

referandûmê, zûtir behsa destkeftên leşkerî û siyasî û xêzkirina sînoran kir. 

 

Kesayetiyên siyasî yên Herêma Kurdistanê jî van destkeftan wek destkeftên 

 

mezin dibînin bo gelê Kurdistanê û dibêjin maye ku kurd dewleta xwe 

 

rabighînin.

 

Siyasetmedarê kurd Dr. Mehmûd Osman wan destkeftên siyasî û leşkerî yên 

 

Serok Barzanî bilind dinirxîne bo dema serxwebûna Kurdistanê û ligel wê de 

 

jî bi pêwîst dibîne ku ragihandina serxwebûna Kurdistanê divê bi 

 

jihevtêgehiştin be ligel Bexdayê û li gorî destur be.

 

Dr. Mehmûd Osman ji malpera KDP.info re ragihand: “Serok Barzanî mijara 

 

referandumê kiriye rojev û ev yek tiştekî baş e û pêwîst e gelê kurd biryara 

 

xwe bide, lê divê ji bo referandumê em yekrêz bin û partiyên siyasî di nava 

 

xwe de yekgirtî bin û xwedî yek peyam bin, wê demê dikarin hemû tiştî 

 

bikin. Dikarin referandumê bikin û madeya 140 cîbicî bikin û welatên cîhanê 

 

mecbûr bikin ku hîsab ji biryara kurdan re bigirin. Herwiha pêwîst e hewl bê 

 

dayîn ku referandum hemû navçeyên Başûrê Kurdistanê li xwe bigire û ne 

 

tenê li herçar parêzgehan bê kirin.”

 

Ji aliyê xwe ve Mamosteyê Zanîngeha Dihokê û Pispor di wê zanistên siyasî 

 

de Ebdal Cuma Akreyî ji malpera KDP.info re ragihand: “Li vir em dikarin 

 

bêjin wek pirensîpekî qanûna şer, her aliyek bikaribe bi hêzê axê bistîne, ew 

 

ax nayê vegerandin. Jibilî vê jî Serokê Herêma Kurdistanê Mesûd Barzanî 

 

berdewam tekez li ser lidarxistina referandumê dike, da ku xelkê wan 

 

navçeyên kurdistanî biryarê li ser çarenivîsa xwe bidin, ku ev jî dibe cihê 

 

çespandina yek ji pirensîpên mafê mirovan û encumena navdewletî.”

 

Ebdal Cuma Akreyî wiha got: “Guhertinên vê dawiyê ku bi zendên dest û 

 

xwîna Pêşmergeyên qehreman bi dest hatine bûne sedema rûxandin û 

 

nemana sînorên Saykis Bîko û sînorên nû hatine xêzkirin û bi nêrîna civaka 

 

navdewletî jî tenê maye kurd dewleta xwe rabighînin. Niha baştirîn dem e 

 

bo ragihandina serxwebûna Kurdistanê ku destkeftekî mezin e û Serok 

 

Barzanî pêşwext derfet jê re amade dikir.”