“Şingalî kantonan û xelkê biyanî qebûl nakin”

Şingal-KDP.info- Berpirsê şaxa 17 ya PDKê li Şingalê ragihand ku Hikûmeta 

 

Iraqê bi hemû awayekî piştgiriyê li YBŞê dike da ku fîtne û duberekî li 

 

Şingalê belav bike û mebesta wê ew e ku bi riya PKKê rê li pêşiya vegera 

 

xelkê bo ser male wan û avakirina Şingalê bigire.

 

Wehîd Bakuzî Berpirsê Şaxa 17 ya PDKê li Şingalê ji rojnameya Hewlêrê re 

 

ragihandiye, “YBŞ ne bi tenê, lê belê PKK û balên wê jî, di bin wî navî de ji 

 

aliyê Hikûmeta Iraqê ve di bin navê Heşda Şeibî de tên bikaranîn, ku Bexda ji 

 

hemû aliyekî ve alîkariya wan dike da ku fîtne û duberekiyê li Şingalê şêbike 

 

û ew xelkê ku tevlî YBŞê bûne ji bo pereyên ku ji Bexdayê ji wan re tê.”

 

Derbarê wê yekê ku çima Hikûmeta Iraqê tenê li Şingalê piştgiriya PKKê 

 

dike, Bakuzî wiha got: “Sedem diyar in, îro hikûmeta Iraqê ne bi tenê li 

 

Şingalê piştgiriyê li PKKê dike bo dirustkirina pirsgirêk û aloziyan, lê belê ji 

 

destpêka 2014 dest kir bi qutkirina budce û mûçeyê fermanberên 

 

Kurdistanê, ew jî bo ku li Herêma Kurdistanê alozî belav bibin û ev ezmûna 

 

serkeftî ya Kurdistanê aloz bikin û yekrêziya aliyên siyasî têk bidin. Tişta ku 

 

niha li Şingalê dibe heman tişt e, ku tevliheviyê li wir çêbikin da ku xelk 

 

venegerin ser mal û halê xwe.”

 

Berpirsê şaxa 17 ya PDKê li Şingalê wiha domand: “Hikûmeta Iraqê rêgir e li 

 

avakirina Şingalê û Şingal wek Enbarê bajarekî wêrankirî neda naskirin, ew jî 

 

ji ber kerb û kîneya wan e li hemberî kurdan. Xelkê Şingalê ti demê û bi ti 

 

awayekî kantonan û xelkê din ku ji derveyî Herêma Kurdistanê hatine, qebûl 

 

nakin, ji ber ku dizanin ne ji Serok Barzanî ba, ew bajêr bi Goran û PKKê 

 

nedihat azadkirin. Xelkê Şingalê dizanin ku PKK 15 mehan li Şingalê bû û 

 

nikarîbûn gundekî rizgar bikin. Divê xelkê Şingalê bi xwe biryarê bidin ku bi 

 

çi sîstemê hukmraniyê li navçeya xwe bikin.”