Ocelan: PKK dixwaze rê li pêşiya serxwebûnê û dewleta Kurdistanê bigre

Hewlêr-KDP.info- Siyasetmedarê kurd Osman Ocelan ragihand ku her 

 

kurdek çavê wî li ser Herêma Kurdistanê ye û gelê kurd jî dixwaze bi rêya 

 

Başûrê Kurdistanê bigihê hêvî û awatên xwe, lê PKK dixwaze destê xwe bixe 

 

nava karê Başûrê Kurdistanê de û rê li pêşiya serxwebûnê û dewleta 

 

Kurdistanê bigre.

 

Osman Ocelan ji malpera KDP.info re ragihand: “Ew şerê ku PKKê dike cihê 

 

gumanê ye, ji ber wek em dizanin li Bakurê Kurdistanê li hinek bajarên mîna 

 

Amed û Hekar û çend navçeyên din ku navendên bizava netewî ne niha li 

 

wir şer berdewam e û li wan navçeyên ku xelkê wan hemû kurd in rewşa 

 

navçeyan pir xerab e û xelkê ji mal û halên xwe bar kirine û bi sedan xortên 

 

kurd hatine kuştin, ku yê ku ziyanê dibîne di serî de gelê kurd e û di wî şerê 

 

PKKê de tenê kurd ziyanan dibînin.”

 

Ocelan wiha got: “Eger PKKê dixwaze bi şer Tirkiyê lawaz bike, Tirkiye bi şer 

 

lawaz nabe, lê belê berevajî, kurd lawaz bûne û li wan navçeyan dest ji mal 

 

û hale xwe berdidin û berê xwe didin navçeyên din û ew yek jî di 

 

berjewendiya Tirkiyê de ye.”

 

Wî siyastetmedarê kurd wiha got: “PKK Bakurê Kurdistanê têk daye û êdî pir 

 

zehmet e ku Bakurê Kurdistanê wek berê bibe û aramî vegere wir û herwiha 

 

her kurdek çavê wî li ser Herêma Kurdistanê ye û gelê kurd jî dixwaze bi 

 

rêya Başûrê Kurdistanê bigihê hêvî û awatên xwe, lê PKK dixwaze destê xwe 

 

bixe nava karê Başûrê Kurdistanê de û rê li pêşiya serxwebûnê û dewleta 

 

Kurdistanê bigre.”