Yekgirtû: Şeraketa bi rastî nemaye..Em ji Iraqeke yekgirtî bêhêvî bûne

Silêmaniyê-KDP.info- Alîkarê Emîndarê Gitî yê Yekgirtûya Îslamî ya Kurdistanê Dr. 

 

Mehmûd Ehmed ragihand ku kurdan her tişt ligel Iraqê qebûl kirine da ku şeraketa 

 

rasteqîne li vê welatî bidest were, lê derket tişta ku jê re tê gotin hevbeşî li Iraqê 

 

nemaye.

 

Dr. Mehmûd Ehmed Alîkarê Emîndarê Gitî yê Yekgirtûya Îslamî ya Kurdistanê ji malpera 

 

KDP.info re ragihand: “Hikûmeta Iraqê cih ji baweriyê re nehiştiye û şeraketek nemaye 

 

ku xelkê Kurdistanê dilê wan pê xweş bibe û mafê me tê xwarin.”

 

Ehmed wiha got: “Me ji destpêkê de ji wan re gotiye ku eger hûn pêbendî destûr û 

 

şeraketê û demokrasiyê û lihevkirina siyasî bin, emê jê ligel we kar bikin, lê dema ku hûn 

 

pêbend nebin, wê demê mafê me jî heye ku em parêzgariyê li maf û destkeftên xwe 

 

bikin bo parastina emin û asayişa Kurdistanê.”

 

Alîkarê Emîndarê Gitî yê Yekgirtûya Îslamî ya Kurdistanê wiha domand: “Li Iraqê ne tenê 

 

şeraket nemaye, lê belê her nebû, lê me digot emê ligel wan kar bikin û bila gotinên 

 

welatan neyên ser me. Piştî rûxandina rêjîma berê em bi temamî ji Iraqê cuda bibûn, lê 

 

em bi kêfa xwe çûn Bexdayê û me kar ligel wan kir.”