Mexmûr- Artêşa Iraqê bi bawerî şer nake..Tenê ziyanan dibînin

Mexmûr-KDP.info- Fermandarekî Hêzên Pêşmerge dibêje, Artêşa Iraqê jibilî

ziyanê, ti serkeftinek bidest neaniye û hatiye şikandin ji ber ku ne bi bawerî

şer dikin, eger ew çek û teqemeniyên wan di destê Hêzên Pêşmerge de

bana, dê bi tenê karîbana heta bi dûriyana Geyare jî kontrol kiribana.

\

Cemal Mortke Fermandarê Hêzên Pêşmerge li Eniya Mexmûrê ji malpera

KDP.info re ragihand: “Hêzên Pêşmerge di wê operasyona ku li sînorê

Mexmûrê dest pê kiriye, ne beşdar e û tenê çavdêriyê dike û çeperên xwe

qayîm dike, lê ez bawer nakim Artêşa Iraqê bi vî awayî bikaribe ti serkeftinê

bidest bîne û tenê ziyan û şikestinê dibîne, ji ber ku ew bi bawerî şer nakin û

tenê bo berjewendiya kesî hatine.”

 

Mortike wiha got: “Artêşa Iraqê ji 2 aliyan ve dest bi operasyonê kirine û li

aliyê Nesir ti pêşdeçûn bidest neanîne û tenê ziyan dîtine û ji aliyekî din ve 2

gund berê hêzên Pêşmerge kontrol kiribûn û piştre jê derketibûn û DAIŞ tê

de nemabû, lewma wan kontrol kirin û tê gotin ji gunekî derketin û Artêşa

Iraqê gelek ziyan dîtine û kuştî û birîndarên wan gelek in, ku fermandar di

nava wan de hene.”