Ki-moon: Civaka navdewletî piştevanî hewlên Serok Barzanî ye..Serkeftina Kurdistanê hemû cîhan matmayî kir
Hewlêr-KDP.info- Serok Barzanî pêşwaziya Sekreterê Giştî yê Rêxistina
Neteweyên Yekgirtî Ban Ki-moon kir û di wê hvdîtinê de şanda mêvan
ragihand ku civaka navdewletî piştevanî hewlên Serok Barzanî ye ji ber ku
serkeftina Kurdistanê hemû cîhan matmayî kir.
Roja şemî 26.03.2016 li bajarê Hewlêrê Mesûd Barzanî Serokê Herêma
Kurdistanê pêşwaziya Ban Ki-moon Sekreterê Giştî yê Rêxistina Neteweyên
Yekgirtî û şandekî li gel kir ku ji Cîm Yung Kîm Serokê Banka Cîhanî û Ehmed
Elî Serokê Banka Geşepêdana Îslamî û Jan Kubis Nûnerê Taybetî yê
Sekreterê Giştî yê Rêxistina Neteweyên Yekgirtî li Iraqê û hejmarek
şêwirmend û berpirsên Neteweyên Yekgirtî û Banka Cîhanî û Banka
Geşepêdana Îslamî pêkhatibûn.
Li hevdîtinê de Serok Barzanî gelek bi germî bi xêrhatina Sekreterê Giştî yê
Neteweyên Yekgirtî û Serokê Banka Cîhanî û Serokê Banka Geşepêdana
Îslamî û şanda li gel kir û hatina wê şanda bilinda civaka navdewletî ya
Herêma Kurdistanê bi pir girîng û cihê hêvî ya gelê Kurdistanê wesif kir.
Serok Barzanî li gotarek da behsa qurbanîdana gelê Kurdistanê ya li şerê dijî
terorîstan kir û wê yekê jî xisterû ku ji bilî şerekî giran, Kurdistan rûbirûyê
tehdîda qeyrana darayî bûye û sedan hezar koçberan jî hewandiye û ji bilî
wê balkişand li ser sedemên qeyrana darayî û eve jî behs kir ku heta niha
hîç aliyek li rûyê darayî ve hevkariya Kurdistanê nekiriye û Hikûmeta Iraqê jî
kar bi pabendbûnên xwe ve yên li yarmetîdana Herêma Kurdistanê ya ji bo
hewandina koçberan nekiriye.
Di beşekî dinê axaftina xwe de Serok Barzanî ronahî xiste li ser bernameya
çaksaziya Hikûmeta Herêma Kurdistanê û ragihand ku Hikûmeta Herêma
Kurdistanê pabendî hemû pêver û wan bingehan dibê ku ji bo çaksaziyê
pêwîstin.
Serok Barzanî eve jî bi şanda mîhvan ragihand ku pêwîste civaka navdewletî
li hevkarîkirina Iraq û Herêma Kurdistanê de wê yekê ber çav bigre ku beşa
zêdetirê giraniya şerê teror û têçûna penaber û koçberan ber Herêma
Kurdistanê ketiye. Daxwaz jî kir ku li serxistina proseya çaksazî û
derbasbûna qeyrana aborî rêxistina Neteweyên Yekgirtî û saziyên cîhanî
rênuwênî û şîretên pêwîst pêşkêşî Hikûmeta Herêma Kurdistanê bikin.
Her li vê hevdîtinê de Sekreterê Giştî yê Rêxistina Neteweyên Yekgirtî
xweşhaliya xwe ji bo rexsandina hevdîtinê û serdana Herêma Kurdistanê
nîşan da û pîrozbahiya cejna Newrozê jî li Serok Barzanî û gelê Kurdistanê
kir û ragihand ku li gel şanda xwe ji bo nîşandana palpiştî û hevsoziya gelê
Kurdistanê hatiye û pesnê serkirdayetîkirina Serok Barzanî û azayetî û
qurbanîdana hêzên Pêşmergeyên Kurdistanê ya li şikestdana terorîstan kir û
tekez li wê yekê kir ku Pêşmerge navekî naskiriye li asta cîhanê da ku li hêla
yekema parastina cîhane li hereşeya terorê û balkişand li ser wê yekê ku
cîhan agahdarî wan tehdîdane ku rûbirûyê Herêma Kurdistanê bûye û bi
Serok Barzanî ragihand ku serkeftina we ya li vê şerê da û li rewşeke dijwar
ya aborî cihê sersamiya hemû cîhane.
Her wiha spasiya gelê Kurdistanê û Hikûmeta Herêma Kurdistanê jî kir ku
mil dane ber hewandina sedan hezar koçber û lêqewiyan. Sekreterê Giştî yê
Rêxistina Neteweyên Yekgirtî sersamiya xwe ya serkirdayetîkirina Serok
Barzanî ragihand û wê yekê dûpat kir ku civaka navdewletî palpiştiya
hewlên Serok Barzanî ya pêkanîna aştî û aramiyê dike.
Her li vê hevdîtinê de Serokê Banka Cîhanî Serok Barzanî ji hewlên Banka
Cîhanî ya yarmetîdana Herêma Kurdistanê agahdar kir û rizamendiya xwe jî
li ser bernameya çaksazî û ciddîbûna Hikûmeta Herêma Kurdistanê ya li vî
derbarî de nîşanda û ragihand ku Hikûmeta Herêma Kurdistanê hêjayî
eweye cîhan piştevanê wê bê. Her wiha li beşekî dinê civînê de Serokê
Banka Geşepêdana Îslamî li gotarek de tekez li ser hevsozî û peroşiya Banka
Geşepêdana Îslamî ya Herêma Kurdistanê kir û ragihand ku ji bo ewe hatiye
ku li gel Banka Cîhanî da yarmetiya Hikûmeta Herêma Kurdistanê ya li
serxistina çaksazî û yarmetîdana koçberan û her wiha hevkarîkirina
vegerandina jiyanê ya navçeyên azadkiriyan bidin.
Di dawiya hevdîtinê de Serok Barzanî Sekreterê Giştî yê Rêxistina
Neteweyên Yekgirtî wekî dostekî mezinê gelê Kurdistanê wesif kir û spasiya
hewl û keda tîmên ser bi Neteweyên Yekgirtî kir ku li Kurdistanê da çalakin.
Li vê civînê de Serokê Hikûmet û Cîgirê Serokê Hikûmet û Şêwirmendê
Encûmena Asayîşa Herêma Kurdistanê û Wezîrê Navxo û Wezîrê Pêşmerge
bi wekalet û Serokê Dîwana Serokayetiya Herêmê û Wezîrê Plandanan û
Berpirsê Fermangeha Peywendiyên Derveyê Herêmê û Peyvdarê Hikûmeta
Herêma Kurdistanê amade bûn.
