Radyo Zemane: Sînorên nû bo Rojhilata Navîn birêve ne

 

Tehran-KDP.info- Malpera Radyoya Zemane raporek li ser damezrandina 

 

dewleta serbixwe ya Kurdistanê belav kiriye û dibêje Serokê Herêma 

 

Kurdistanê  bi eşkere behsa referandum û serxwebûna Kurdistanê kiriye û li 

 

gorî zanyariyan zêdetirî 32 welatan jî dê îtîrafê pê bikin.

 

Radyoya Zemane dibêje: “Tevî hebûna DAIŞê û kirîza darayî li Herêma 

 

Kurdistanê, lê niha baştirîn dem e bo ragihandina dewleta serbixwe ya 

 

Kurdistanê, ji ber ku Iraq bi awayekî praktîkî perçe bûye.”

 

Wê radyoyê bo derxistina wêneyê rastî yê Iraqê behsa gotina Mihemedê 

 

Hacî Mehmûd dike, ku gotibû Iraq tenê ji asman yek perçeyî maye û li ser 

 

erdê perçr bûye.

 

Artêşa Iraqê di şerê DAIŞê pir lawaztir e ji Hêzên Pêşmerge û rojane em 

 

dibhêzîin ku teqîn li Bexda û navçeyên din çêdibin, lê di heman demê de ev 

 

bûye li Kurdistanê pir kêm in.

 

Radyoya Zemane dibêje niha nema wek berê ye û heta radeyekê 

 

parlemanter û siyasetmedarên Iraqê cudabûna kurdan ji Iraqê bi rewa 

 

dibînin. Herwiha li gorî rewşa deverê û cîhanê ragihandina dewleta 

 

serbixwe bi baştirîn awa pêşwazî lê tê kirin. 

 

Zemane herwiha dibêje: “Îran di destpêkê de li dijî serxwebûna Kurdistanê 

 

bû û berê digotin em rê nadin avakirina îsraîleke din li navçeyê, lê Îran 

 

beriya Tirkiyê konsulxaneya xwe li Hewlêr û Silêmaniyê vekir.”

 

Radyoya Zemane ragihand: “Pêşwaziya germ ya Şahê Erebistana Siûdiyê li 

 

Serok Barzanî gumanên dijayetiya welatên erebî û Kendavê bo serxwebûna 

 

Kurdistanê nehiştin û li gorî zanyariyan Siûdiyê alîkariya Kurdistanê dike di 

 

kolandina xendeqa di navbera Kurdistanê û navçeyên erebî de.”

 

Wê radyoyê di dawiyê de wiha got: “Piştî derbasbûna sedeyekê bi ser 

 

sînorên Saykis Biko de, êdî ew rêkeftin dawiya wê hatiye û pêwîstiya wê 

 

navçeyê bi sînorên nû heye. Sînorên nû bo Rojhilata Navîn birêve ne.”