NY bo Serok Barzanî: Spas bo we ku we cîhan rizgar kir
Hewlêr-KDP.info- Serokê Herêma Kurdistanê pêşwazî li Berpirsê Komîseriya
Bilind a Penaberan a Neyeweyên Yekbûyî kir û di wê hevdîtinê de şanda
mêvan ji Serok Barzanî re got: “Spas bo we ku we cîhan rizgar kir.”
Îro Yekşemê 13-3-2016 li Selahedînê Serokê Kurdistanê Mesûd Barzanî
pêşwaziya berpirsê komîsertiya penaberan ya ser bi NY Bruno Geddo û
şandeke pê re kir.
Di civînê de şanda mêwan spasiya Serok Barzanî kir ku derfeta hevdîtina
han afirandiye, şanda mêwan herwiha rêzdariya xwe jî ya li hember
mêwanperweriya gelê Kurd û pêşwazîkirina penaberan diyar kir û dil vekirî
bûna gelê Kurdistanê jî bi nimûneyeke baş ya hevkarî kirn û mêwandariyê li
ser asta cîhanî wesif kir.
Şanda mêwan herwiha diyar kir ku rewşa penaberan li Kurdistanê de li gor
rewşa penaberan li deverên din de baştire û herwiha spasiya hevkarî û
hemahengiya hikûmeta Kurdistanê jî kir ku di warê cîhbicîh kirina erk û
çalakiyan de pêşkêşî dezgehên ser bi NY kiriye.
Şanda mêwan herwiha spasiya Serok Barzanî û qurbanîdana hêzên
pêşmerge di şerê dijî terorîstên DIŞIê de jî kir û herwiha destxweşî li Serok
Barzanî û hêzên pêşmerge kir ku karîne weke xeta yekem ya bergiriyê bin li
hember terorîstên DAIŞê de û ji Serok Barzanî re got: “Spas bo we ku we
cîhan rizgar kir.”
Şanda mêwan herwiha behsa kar û çalakiyên xwe yên di warê hevkarî kirina
penaberan de kir.
Li hember de jî Serok Barzanî rêzdariya xwe ya li hember erk û çalakiyên
şanda mêwan bi taybetî di warê hevkarî kirina penaberan de diyar kir û
herwiha spasiya wan kir û balkêşande ser rewşa jiyana penaberan û eşkere
kir ku gelê Kurdistanê hevkarî kirina penaberan bi erkekî nîştimanî û însanî
dizane lêbelê heta niha hikûmeta Iraqê di warê hevkarîkirina penaberan de
erkê xwe cîhbicîh nekiriye û hikûmeta Kurdistanê jî li gor îmkan û karînên
xwe hevkariya penaberan kiriye û cîhbicîh kirina tedbîrên ewlekarî jî bi tenê
bo parastina rewşa ewlekarî ya wan deveran û penaberan bûne.
