Balyozê Rûsya tekez li ser hevxemiya welatê xwe bo Kurdistanê kir
Hewlêr-KDP.info- Serok Barzanî pêşwazî li Balyozê Rûsya Ilya Morgunov kir
û di wê hevdîtinê de şanda mêvan tekez li ser hevxemiya welatê xwe bo
Kurdistanê kir.
Îro Yekşemê 13/3/2016 Serokê Herêma Kurdistanê Mesûd Barzanî
pêşwaziya Balyozê Rûsyayê yê li Bexdayê Ilya Morgunov kir.
Di civînê de Morgunov bi awayekî giştî behsa siyaseta welatê xwe ya li
Rojhilata Navîn, Sûriya û Iraqê bo Serok kir û eşkere kir ku mebest ji vê
serdana han tekez kirin li ser hevsoziya Rûsyayê bo berdewam kirina
têkiliyên navbera Rûsya û Kurdistanê ye û herwiha amade bûna Rûsyayê jî
diyar kir bo hevkarî kirina hêzên pêşmerge di warê leşkerî de di şerê dijî
terorîstên DAIŞê de.
Morgunov herwiha bi minasebeta bîranînên meha Adarê weke Newroz û
jidayikbûna Barzaniyê Nemir pêşkêşî Serok Barzanî û gelê Kurdistanê kir û bi
rêzdarî behsa rola Serok Barzanî di fermandarî kirina şerê dijî terorîstên
DAIŞê de kir û rêzdariya xwe jî ya li hember qurbanîdanên hêzên pêşmerge
di şerê dijî terorîstên DAIŞê de diyar kir.
Li hember de jî Serok Barzanî hevdem li gel balkêşandine ser têkiliyên dîrokî
yên di navbera her du gelên Kurdistan û Rûsyayê de, spasiya hevkariyên
Rûsyayê jî kir.
Serok Barzanî di berdewamiya axaftinên xwe de behsa qirîzên deverê û şerê
dijî terorîstan kir û derbarê Sûriyayê de jî Serok Barzanî got: “Hewlesta
Kurdistanê li ehmber aliyên Sûriya û hikûmeta Sûriyayê hewlesteke jiber
doza reva ya gelê Kurd û qebûl kirin û nasandina mafên reva yên gelê Kurd
e.”
Di berdewamiya hevdîtina han de behsa prosesa siyasiya Iraqê û pêşeroja
Iraq û azadkirima Mûsilê jî hate kirin.
Her di civîna han de şandeke rayedarên kompaniya gazprom a Rûsî jî amade
bû û behsa kar û çalakiyên xwe li Kurdistanê de bo Serok Barzanî kir.
