Li Geverê jî şer dest pê kir..Li Dêrsimê herêmên leşkerî hatin ragihandin

 

Amed-KDP.info- Li navçeya Geverê ya Colemêrgê jî şer di navbera hêzên 

 

Tirkiyê û şervanên PKKê de derket. Li Dêrsimê jî 13 navçe û dever wek 

 

“herêmên leşkerî û qedexe” hatin ragihandin.

 

 

 

Duh li navçeya Geverê ya Colemêrgê şer û operasiyon dest pê kir. Li taxa 

 

Esenyûrtê, kesekî sivîl hat kuştin û yek jî birîndar bû.

 

 

 

Li gorî agahiyan, li çend taxên Geverê hinek medrese hatine valakirin û 

 

leşkerên artêşa Tirkiyê tê de bicîh bûne. Dora bajêr jî bi otomobîlên zirhî û 

 

tankan hatiye girtin.

 

 

 

Li gorî medyaya Tirkiyê, veguhestina hêz û cebilxane bo Geverê heta niha jî 

 

didome.

 

 

 

Hîn li Geverê qedexeya derketina derve nehatiye ragihandin lê şer û 

 

pevçûnan dest pê kiriye.

 

Ji aliyekî din ve, piştî Çewlîk, Xerpêt û Mêrdînê, li Dêrsimê jî 13 navçe û 

 

dever wek herêmên leşkerî û ewlekariyê hatin ragihandin.

 

 

 

Walîtiya Dêrsimê di daxuyaniyeke nivîskî de diyar kir ku wê 13 navçe û 

 

deverên Dêrsimê ji 1ê Adarê heta 1ê Îlonê weke deverên leşkerî û 

 

ewlekariyê bên ragihandin.

 

 

 

Di daxuyaniyê de hatiye gotin ku ew biryar ji bo “bidawîkirina bûyerên 

 

terorê” ye û wê li van deveran çûnhatin di bin kontrola hêzên ewlekarî û 

 

leşkerî de be.