Amed.. Partiyên Bakur ji bo agirbestê dest bi xebateke din kirin

Amed-KDP.info- 6 partiyên Bakurê Kurdistanê ku xwe wek “Partiyên 

 

Kurdistanî” didin nasîn, ji bo sekinandina şerê li Bakurê Kurdistanê, dest bi 

 

xebatên dîplomatîk kirin. 

 

Partiya Azadiya Kurdistanê (PAK), Partiya Sosyalîst a Kurdistanê (PSK), 

 

Partiya Azadî û Sosyalîzmê (OSP), Hereketa Azadî, PDKa Bakur û PAKURD 

 

dest bi xebatên dîlplomatîk ji bo sekinandina şerê li Bakurê Kurdistanê 

 

kirin. 

 

Partiyên han ku xwe wek “Partiyên Kurdistanî” didin nasîn, dibêjin, dê 

 

destpêkê bi rayedarên Sefareta Amerîkayê re rûnên paşê jî ji sefaret û 

 

dîplomatên Ewropî bixwazin ku guvaşê li Tirkiye û PKKê bike ji bo 

 

sekinandina şer. 

 

Serokê OSPê Sînan Çîftyûrek li ser vê yekê got, em gaveke dîplomasiyê didin 

 

destpêkirin. Emê bixwazin bi çavên me ew mijara kurd û Kurdistanê 

 

pirsgirêkên li Bakur û Tirkiyê fêm bikin. 

 

Sekreterê Giştî yê Hereketa Azadiyê Sidqî Zîlan jî li ser vê xebata dîplomatîk 

 

axivî û got, emê ji wan bixwazin ku hikûmetê û PKKê razî bikin ku şer bidin 

 

sekinandin. Di şûna şer de bila bixwazin herdu alî girîngiyê bidin mase, 

 

diyalog û rêyên siyasî. 

 

Serokê Giştî yê PAKê Mistefa Ozçelîk jî nêrîna xwe li ser vê yekê anî ziman û 

 

got, emê ji wan welatan bixwazin pêvajoyeke nû bê destpêkirin. Ev pêvajo jî 

 

divê weke berê nebe. Pêwîst e hemû partiyên kurdan di van hevdîtinan de 

 

bin û garantoreke navneteweyî jî di vê pêvajoyê de cih bigre.