“Papa ji nêzîk ve duvdaçûnê li ser rewşa Kurdistan û Iraq û navçeyê dike”

Hewlêr-KDP.info- Serok Barzanî pêşwaziya Balyozê Vatîkan li Iraqê kir û di

wê hevdîtinê de şanda mêvan Papa ji nêzîk ve duvdaçûnê li ser rewşa

Kurdistan û Iraq û navçeyê dike.

 

Roja şemî 05.03.2016 li Selaheddîn Mesûd Barzanî Serokê Herêma

Kurdistanê pêşwaziya Albert Martin Ortega Balyozê nû yê Vatîkan li Iraqê û

şandekî li gel kir ku ji Metran Beşar Metî Werde Serokê Dêra Katolîkiya

Kildanî ya li Hewlêr û Metran Yohanna Pitros Muşî Metranê Tayîfeya Siryanî

Katolîkî ya Musil û Kurdistanê û Metran Nîqo Dîmos Dawid Metî Şeref

Metranê Tayîfeya Siryanî Ortodoks li Musil û Kurdistanê pêkhatibûn.

Li hevdîtinê de Balyozê nû yê Vatîkan li Iraqê xweşhaliya xwe ji bo

rexsandina hevdîtinê nîşanda û pîrozbahiya salvegera raperîn û helkeftên

meha Adarê li Serok Barzanî kir û ji bilî balkişandina li ser serdana Serok

Barzanî ya Vatîkanê û peywendiyê taybetî yê di navbera Herêma Kurdistan

û Vatîkanê, silavên Papayê Vatîkanê bi Serok Barzanî ragihand û eve jî

xisterû ku Papa ji nêzîk ve duvdaçûnê li ser rewşa Kurdistan û Iraq û

navçeyê dike.

Her wiha pêzanînên xwe jî ji bo xelk û Hikûmeta Herêma Kurdistanê hebû

ku hejmarekî zêdeyê koçberan bi bê cûdahî himbêz kirine ku ji destê teror û

çewsandinê mal û warên xwe bi cîh hiştine.

Balyozê Vatîkan tekez li ser girîngiya pêkhatên olî kir ku dikarin rolekî mezin

li dirustbûna pêkve jiyan û aramî û aştiyê da bibînin. Her wiha derketina

teror û tundutîjiyê jî bi derfetek jî zanî bo ku ewên bîr li aştî û pêkvejiyanê

dikin li hevdû nêzîk bibin û teşwîq û hana bihayên bilindên mirovayetiyê

bidin.

Li beşekî dinê civînê de şanda mîhvan pesnê qehremaniya Hêzên Pêşmerge

ya li şikestdana terorîstên DAIŞê kir û balkişand li ser gotina Serok Barzanî

ku li Kurdistan hemû pêkhat li mirin û jiyanê da bi serbilindî pêkve dibin û

daxwaz jî kir ku Hêzên Pêşmerge wan navçeyan ji dagîrkeriya terorîstan

rizgar bike.